納米無明火︳深水埗200呎奇積2露台佔30呎 30歲男1/3糧供樓：覺得物有所值

由谷德昭擔任主持的《納米無明火》去到深水埗一個實用面積僅204呎的單位，屋主Cyrus在銀行任職業務策劃經理，去年靠自己「上車」，30歲成為有樓一族。

{{hket:inline-image name="02.jpg"}}{{/hket:inline-image}}

30歲屋主Cyrus靠自己能力成功上車。(電視截圖)

{{hket:inline-image name="08.jpg"}}{{/hket:inline-image}}

413萬買204呎的納米樓，值唔值？ (電視截圖)

{{hket:inline-image name="07.jpg"}}{{/hket:inline-image}}

究竟有幾納米，一眼睇晒囉！(電視截圖)

納米無明火︳MIRROR女Dancer納米屋變舞台授課 200呎空間感反勝上集250呎情侶盤 【下一頁】

Cyrus這間納米屋，入到去「一眼睇晒」，大門旁邊是開放式廚房，行四、五步已去到既是客廳又是睡房的位置，地台放單人床、另一邊是小書枱；單位特別之處是兩邊的落地玻璃設計，靠床一邊能遠望獅子山，而另一邊書枱位亦望到出海景。Cyrus對無敵景觀很滿意，「因為樓下係公園、天橋，遠啲係南昌邨，都保證到呢個景唔會有變。」

最吊詭的是一個204呎單位，竟然有兩個露台，其中一個更需要通過厠所的淋浴間才能出到去。谷德昭量度兩個露台的面積，浴室露台佔13呎，放了晾衫架和鞋櫃後，仲可以容納到一個人企，另一個露台17呎，即係實用面面積僅餘170呎多啲，谷德昭說：「有人會覺呢啲工作台（露台）好搵笨，但有人就好鍾意，呢啲咪叫麻油拌辣菜，各有各所愛。」

屋仔細細，節目組專程帶來麻雀枱「實測」，放在單位正中間，要一個人坐床，另一個坐地台，其餘兩名「雀友」要坐露台門口、坐路口，就夠位進行多人活動，攻打「四方城」，Cyrus笑言：「我鍾意打麻雀！但喺屋企真係第一次……」對於用413萬買200呎的納米樓，他表示自己在銀行工作，樓按方面有優惠，供樓亦只佔薪金三分一，不算太大開支，「買嘢最緊要物有所值，我覺得開心就唔使諗咁多。」谷德昭十分認同他的生活態度，「香港人為咗層樓用咗一半嘅時間去工作，相比外國人就唔使付出咁多，又得到大啲空間，不過佢哋碗叉燒飯或者雲吞麵，就冇香港咁好食囉！呢度有好多唔好，但呢度亦有一百樣好，睇你自己喜歡乜嘢啦！」即係心態決定境界囉！

撰文：衛紫敏

同場加映：黎明演唱會邀林日曦做嘉賓 手拖手唱歌上演《大叔的愛》

{{hket:ul-video id="3554"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任你睇↓↓

【立即體驗】

Ian陳卓賢@MIRROR拍廣告學生look煞食 花姐譚仔腔客串演出網民讚搶Fo 【下一頁】