《東張西望》︳珠寶店老闆2000萬博一夜暴富 潮賭緬甸石 爛石當翡翠輸身家

近日香港流行一股「賭石」熱潮，「賭石」源自緬甸一種翡翠原石交易方法，翡翠在開採出土時，包裹著一層風化皮，需切割後才知道翡翠質量；有人會花幾百甚至幾十萬元，買下一顆外表平平無奇的石頭去「賭博」，或可能是價值連城的翡翠玉石！這種以小博大的方式現今在香港成為熱潮，更有人傾家蕩產希望靠石頭一夜富貴。

{{hket:inline-image name="01.jpg"}}{{/hket:inline-image}}

主持黃穎君拎住嚿石頭話係「翡翠」，係真唔係呀？（電視截圖）

{{hket:inline-image name="02.jpg"}}{{/hket:inline-image}}

街坊目測睇到石頭冇乜綠色，應該唔值錢。（電視截圖）

《東張西望》︳市民ATM存款遇食錢機5萬變萬7 銀行調查後指與事主陳述不符？ 【下一頁】

《東張西望》外景主持黃穎君日前便親嘗「賭石」玩意，走訪廣東道的玉石市場，未見有緬甸原石，便轉戰鴨寮街的小販排檔碰運氣，小販檔老闆本來開價50元，最後平讓給她，「鍾意就平啲畀你，一百蚊三嚿啦！」一百元真的買到三枚「翡翠石頭」？黃穎君將它們用報紙包起，放入背心膠袋，帶到去切石舖便知是「爛石」還是「瑰寶」。

「賭石」興起，切石舖亦擠滿來賭運氣的人，其中一名客人來取回以原石打造的玉器飾物，他向主持表示︰「啲玉器手飾係送畀BB嘅，做咗平安扣、玉珠手鏈，如果去舖頭買現成都千幾蚊，咁不如買嚿原石嚟試下運氣囉！」他稱當日用千多元買了兩塊原石，其中一枚切割後裂開「報廢」，但另一顆原石切出來價值超過2千元，所以他算是賺了！

至於黃穎君手上三塊原石，經過切石器切開之後，證實是一枚黃龍玉，石店老闆笑言：「基本上黃龍玉喺巿場上冇乜嘢價值，佢哋大多數嚟自雲南嘅河流，可以話隨街都執到。（做唔做到手飾？）呢種石唔可以離開水，拎去拋光後就會出現裂紋！」

黃穎君未能靠石頭發達，同樣有人「賭石」輸千萬元，《東張西望》追訪曾經沉迷「賭石」的珠寶店老闆娘Carol，她稱十幾歲開始玩賭石：「開頭係貪玩，追求賭博嗰種刺激，試過用2百蚊買咗嚿原石，之後十萬蚊賣畀內地嘅朋友。」賭石如賭博，她越賭越大，「賭得最貴一次，係同幾個行家夾咗2,000萬買原石，結果衰咗……嚿原石只值3、4百萬，真係蝕到出血。」她以過來人身份奉勸電視機面前的觀眾，「賭石風險好大，賭十次輸九次，嗰次之後我冇再賭嘞！好好哋做生意，大家都唔好再賭嘞！」

撰文：衛紫敏

同場加映：麥大力分享與簡淑兒戀情 放閃程度力壓陳展鵬單文柔

{{hket:ul-video id="3502"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任你睇↓↓

【立即體驗】

遵從遺願｜黃樹棠兒子紀念花園撒亡父骨灰 夢見爸爸：我一瞓醒又掛住你﹗【下一頁】