楊思琦打第一針新冠疫苗曬針口 背脊驚現大片瘀青惹網民擔心

楊思琦2012年未婚誕下女兒楊卓穎，之後一直獨力養女。前年思琦宣布同老公喺外地註冊結婚，去年誕下囝囝Kody，非常幸福！但由於老公樣貌從未曝光，姓氏、職業一律保密，非常神秘。

{{hket:inline-image name="201990422_354767216011833_7360610720856362895_n.jpg"}}{{/hket:inline-image}}

楊思琦多年來情路不順，早前撞車入院，當時有指她受傷入院也沒有老公陪同，相當淒慘，咁都仲唔現身，令人對思琦老公身份更加好奇，有網民就發現其兒子樣子似足有「電競之父」之稱嘅富三代鍾培生，思琦依舊堅持拒絕公開老公身份，b仔生父係邊個，仍然是個謎。

不過思琦對一對寶貝子女都照顧有加，身為媽媽嘅佢做好防疫，日前仲打咗佢嘅第一針新冠肺炎疫苗，佢曬出針口，留言：「完成第一針！」。不過佢嘅白滑玉臂同針口都唔夠佢嘅背脊 fo，事關思琦嘅背驚現一大片瘀青，唔少網民都好擔心，留言慰問：「唔係打針嘅副作用呀？」、「多啲休息，好嚇人！」、「係唔係畀人家暴？」等等。

思琦回覆晴報，原來只係虛驚一場，不過聲音聽落明顯好攰：「膊頭啲瘀我刮痧，抱小朋友好攰，所以之前做刮痧瘀咗，唔關事（打針）。」思琦對疫苗嘅反應都唔係太大：「打咗第一針多啲休息，尋日都同埋隻手有少少痛。」真係辛苦晒，祝福佢快啲恢復精神啦！

圖片來源：Instagram