寶寶大過天｜車婉婉演在職單親媽媽勁入戲 反叛女玩命博關注高姐壓力爆煲

TVB劇集《寶寶大過天》中，車婉婉飾演事業女強人「高姐」，有一個10多歲大的女兒Chloe。高姐女兒出生時因有心臟疾病，幸好兩年後康復，她因而做了兩年full time mom湊女。之後丈夫因生意失敗後離世，頓成單親母親的她一邊獨力照顧女兒，一邊在事業上拼搏，希望給女兒過上最好的生活。

{{hket:inline-image name="209165538_2996638470582403_2965778403527610778_n.jpg"}}{{/hket:inline-image}}

日前一集講到雅悠（岑麗香飾）發現Chloe直播死亡挑戰，旋即通知上司高姐，兩人即跑回家中阻止Chloe的玩命挑戰。高姐阻止了Chloe後，兩母女嗌交，高姐更摑了女兒一巴掌。「你平時就算幾古惑幾離譜，我都隻眼開隻眼閉，我淨係想你健健康康平平安安，你咁多嘢唔玩，攞條命嚟玩？我博咗條命生你出嚟，你條命我嘅！如果唔係我一個人撐住頭家，我使咁辛苦？畀大屋你住搵工人嚟湊你，食嘅著嘅有邊樣唔係最好？」

（↓點擊圖片放大↓）

之後高姐向雅悠哭訴做單親媽媽的辛酸，指自己好怕失去囡囡，「我每次對住佢都好驚係最後一次，對住最愛嘅人，用一種告別嘅心態，係有幾撕裂，你知唔知？佢真係越走越遠，好驚佢返唔到轉頭。」車婉婉呢兩幕演技大爆發，感動不少媽媽級的網民，紛紛留言讚：「好鍾意高姐呢個咁Cool又咁有愛既角色」、「演得好逼真，一個媽媽嘅心聲！」、「做得好入心！好好睇！」、「好好戲啊」、「我都有睇呀！真係做咗人阿媽先會感受最深。」

車婉婉自言好鍾意「高姐」呢個角色：「因為佢係另一類在香港典型的媽媽，情緒有多重層次，回想起拍攝當晚，感受濃郁⋯依家睇返，我自己都頂唔住流淚⋯，阿囡好乖、好聽話，叻叻！」

（↓點擊圖片放大↓）

寶寶大過天｜陳自瑤冇仔生被奶奶狂質好委屈 張頴康霸氣護妻孝順仔頂撞阿媽 【下一頁】

同場加映：一笑渡凡間│陳秀珠單親媽媽獨力湊大兒子成才 「單身好處係學識不去依賴別人」

{{hket:ul-video id="3453"}}{{/hket:ul-video}}