陳潔玲單機爆粗鬧全家仙氣盡失 與鍾舒漫男友因生意糾紛𢲷爛面

陳潔玲（Christy）同鍾舒漫（Sherman）男友早前合作投資防疫產品，最後因錢銀問題對簿公堂。噚日陳潔玲喺IG同Facebook發文指受到鍾舒漫男友林灝軒（Steve）滋擾，直斥對方係「廢物」；更發誓句句屬實，歡迎對方告其誹謗。

{{hket:inline-image name="6d322298321386d7191f4d72c562677d.jpg"}}{{/hket:inline-image}}

鍾舒漫（Sherman）之後連出3個Post反擊陳潔玲，又公開自己同陳潔玲嘅「對話」。除了指陳潔玲做善事為了呃like外，又斥她「下三濫懦夫到不得了」以及有精神病：「丁蟹，你不斷用我嘅信仰攻擊我，又話自己良心藝人，人美心善，擇善固執。你走嚟話有消毒酒精想派畀劏房戶，咁啱我哋教會有派開物資，就認真幫你安排，樣樣嘢都唔肯配合，又話我哋安排得慢，要我哋成間教會嘅行程就你一個，仲要就埋你男友！原來係為咗打卡影相，咁我哋都ok嘅，咪幫你影，但你又要指定攝影師，做show咩……都算啦，喂人哋教會有時間表，最後fit唔到你時間你就鬧人安排不善，浪費你一星期時間？」

{{hket:inline-image name="210534146_516354129608337_6166697832155481546_n.jpg"}}{{/hket:inline-image}}

在鍾舒漫Post出自己同陳潔玲嘅「對話」截圖中，只見陳潔玲單機不斷狂鬧，當中夾雜唔少粗口同埋人身攻擊；而且除咗鍾舒漫本人外更鬧晒佢全家，用字非常狠，而鍾舒漫就一隻字都冇回應過。唔少網民都話估唔到陳潔玲仙氣嘅軀殼下竟然可以咁毒舌！陳潔玲其中一句指鍾舒漫係「英皇棄將」，又話佢「唱歌唔好聽扮失聲」，就令佢好難受，因為鍾舒漫指呢件係自己唱歌生涯中最痛嘅事，但就畀陳潔玲攞嚟攻擊，所以鬧爆對方係「丁蟹」！

鍾舒漫斥陳潔玲前言不對後語，根本同佢溝通唔到。最後鍾舒漫在限時動態中指「衰到咁嘅女人真係第一次見」，又叫陳潔玲唔好再Send恐嚇短訊畀自己。唔少圈中人好似江依晴同王君馨等，都留言撐鍾舒漫；不過網民意見就一半一半，因為二人始終冇將來龍去脈交待得好清楚，話只能夠持觀望態度！

 同場加映：林秀怡跟阿旦學戲增值等好角色 成年無拍過劇：嗰排真係好得閒

{{hket:ul-video id="3442"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】