針無兩頭利｜2歲仔黐實外傭瞓醒即搵姐姐 在職港媽妒忌：我真係好心酸

不少在職爸媽都會聘請外傭照顧子女，惟近日有港媽卻在網上大呻，比起自己，2歲兒子與家中外傭有更深感情。她指出，兒子日常生活都「好黐工人」，又指疑因姐姐縱容其子，導致兒子喜歡被對方照顧；惟自己是在職婦女，只好繼續依賴姐姐照顧兒子。對此事主坦言對現況感到無力，「作為阿媽我真係好心酸好妒忌。」

該名港媽周一（5日）在網上討論區「親子王國」以「我個2歲寶貝仔好痴（黐）姐姐」為題發帖，指自己是一名在職媽媽，雖然工作不用OT，仍要聘請外傭照顧年幼兒子，而自己與丈夫則會負責和兒子「沖涼、玩、講故事、『暗』瞓覺、飯後散步」。不過事主卻發現兒子自2歲開始，事事都依賴外傭姐姐，生活上大小事也會先找對方幫忙：

「突然唔知邊日開始，佢乜嘢都要搵姐姐。例如換片、沖涼、唔開心、驚驚、半夜扎醒......之前都唔會......就算佢喺我張床瞓到天光，有時一擘大眼就要搵佢（姐姐）。」

港媽：好心酸好妒忌

事主續指，兒子每次半夜醒來，都會先找外傭姐姐，「佢自己攬住公仔走出門口去姐姐間房拍門，坐地下等姐姐開門同喊到癲咗。」事主明白「針無兩頭利」的道理，兒子亦並非刻意與自己疏遠，但眼見對方需要幫忙時，第一時間不是找媽媽，便感到心酸和妒忌，

「我係在職媽媽，都知冇辦法，針無兩頭利......作為阿媽我真係好心酸好妒忌。」

外傭姐姐縱容兒子

她又指出，姐姐多數會縱容兒子，任由他做想做的事，又例如兒子半夜一哭鬧，姐姐便會抱他到床上同睡。久而久之，兒子便習慣睡覺時有對方的陪伴，二人感情也相對變得較深。

事主直言，不知道應如何與兒子改善關係，此事亦令她情緒一度崩潰：

「我當然知道姐姐對佢好（係縱）先會咁，但真係唔可以咁睇得開......都唔知要忍幾耐，我試過半夜自己一個人喺廳度喊。」

網民安慰：姐姐一定對佢好好先會咁

帖文發布後，不少網民留言安慰事主毋須介懷，並表示小朋友長大後，便會自己親近父母，「慢慢大就會跟返父母㗎啦」。網民又勸事主應調節好自己的心態，「樂觀啲諗，姐姐一定對佢好好先會咁」：

（↓點擊圖片放大↓）  

親如家人｜外傭放棄嫁至美國31年守護三代人 5孩爸媽感恩：我們一定會照顧她，詳情即睇：【下一頁】

同場加映︰

在職媽媽｜疫下OT至凌晨12時犧牲親子時間 社工港媽感激家人作最強後盾

{{hket:ul-video id="3159"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

每朝索取《晴報》：精明生活．健康家庭．開心娛樂

撰文：林幸琦