卓林神隱兩年｜吳綺莉抗拒Andi有原因並非「恐同」 母女相依為命時期卓林勁孝順

吳綺莉 (Elaine) 同女兒吳卓林嘅關係因為女兒嘅同性伴侶Andi而變差，兩母女的關係至今仍未修補好；而卓林更加自2019年開始就再冇更新社交平台，唔少網民都非常擔心佢嘅狀況。

{{hket:inline-image name="b0e4dacf92a781a73f9fbf0ab74b02ae.jpg"}}{{/hket:inline-image}}

上月吳綺莉突然於Facebook Post咗3張相片，係Andi於2017年喺IG分享過嘅自拍。相中Andi打扮性感且擺出大膽Pose，畫面震撼視覺。吳綺莉留言：「感謝您，用人的生命去換取你的得著，感謝您的教導，感謝天父、感恩每一天。」呢個Post令唔少網民都感到奇怪，尤其「生命去換取」嘅字眼，未知係咪暗指有人利用女兒卓林，並要佢以「換命」方式來犧牲自己。網民睇到都話覺得有啲心寒，紛紛關心卓林的嘅近況同安危。吳綺莉接受訪問時表示：「純粹係發洩，見到啲相靚咪分享吓囉！」，並冇就有關留言解畫，其後亦將該Post刪除。

近日吳綺莉的經理人就發文，大談兩母女往事。佢提到小時候嘅「小龍女」卓林乖巧伶俐，酷愛互聯網同電腦；而做第一份暑期工時，更會主動買禮物送畀媽媽，吳綺莉多年來都將女兒送嘅每件禮物好好保留。佢又大爆兩母女其實生活得不容易，雖然生活艱難，但吳綺莉仍不時請朋友到家中食飯，但就十分慳家，連蟹殼都不捨得扔掉，因要留返煲粥；儘管如此，2人仍生活得非常開心。佢又話大眾「上綱上線」，為吳綺莉扣上「恐同」以及「歧視」嘅帽子，指卓林選擇同Andi一齊嘅初期，吳綺莉並冇反對，只係Andi好食懶飛，旨意卓林供養自己，令吳綺莉對Andi越來越失望；而所有嘢同佢嘅性取向無關，僅僅係因為人品同為人。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】