終極美魔女｜72歲婚紗女王生日大曬螞蟻腰 林青霞半年減26磅優雅地老去

知名嘅美籍華裔設計師，有婚紗女王之稱嘅Vera Wang王薇薇，6月27日踏入72歲，活力十足嘅佢大搞生日派對，身穿螢光黃露背吊帶長裙，身材非常火辣，唔少網民都驚嘆，佢完全唔似已達七旬之境！

{{hket:inline-image name="209267747_1092873804568463_2217298409896339518_n.jpg"}}{{/hket:inline-image}}

Vera Wang嘅生日派對有大批時尚圈名人出席，壽星女喺俊男模特兒相伴下滿場飛。她穿著螢光黃大露背吊帶長裙，一把豐盈長髮搭配水晶髮飾，大曬纖腰同緊緻肌膚，年輕外表最多似四十歲出頭。Vera Wang曾接受訪問公開佢嘅凍齡妙法，佢每天早上8點前起床，第一件事就係喺床上食早餐，通常都係乳酪、新鮮生果、一隻雞蛋、雞肉香腸，非常輕盈；星期日就會放縱一下，選擇奄列配多士或煙三文魚配麥包或多加一片煙肉，有時候都會飲一杯黑咖啡。食完早餐就會爭取時間做10分鐘晨操，例如舉兩至三磅啞鈴，然後進行15分鐘冥想。

1949年出生的Vera Wang，7歲開始溜冰，以參加奧運作目標，但其後進入時尚圈，曾擔任美國版《Vogue》時尚編輯、Ralph Lauren的設計總監，再創立個人同名品牌。Victoria Beckham、Kim Kardashian、李玟、湯唯、劉嘉玲、劉詩詩、應采兒等名人都穿著其婚紗出嫁。

除咗Vera Wang，大美人林青霞都係圈中出名嘅凍齡天尊。不過去年聖誕節期間佢一度肥到68公斤，雖然佢自己唔介意，但朋友見到佢都擰晒頭，女兒更係為咗佢嘅健康狀況而擔憂，林青霞先下決心減肥。

林青霞分享佢減肥期間如何控制飲食，都係嗰幾招啦！少油少鹽，幾乎唔食甜食同宵夜。此外仲每日運動1小時，經常打桌球、羽毛球，玩普拉提以及爬山。她在兩個月內暴瘦9公斤，體重從巔峰期的68公斤下降到59公斤，盛夏時節更跌到56公斤，即係6個月內成功減掉12公斤！

今年66歲嘅林青霞唔太注重養生，晚睡晚起、三餐不定時、唔食任何保健產品亦冇做基礎面部保養，鍾意「順其自然」，她曾說︰「老不老，美不美，我自己完全不在乎，我認為這是人生的一部分，沒甚麼好怕的，這是自然定律，你不接受也得接受，否則是自找苦吃。」林青霞對於容顏老去好豁達，「過了60歲還要因美貌上熱搜，也是一件十分辛苦的事。」

 同場加映： Thai耐無去︱泰國通胡慧冲掃曼谷超市 超人氣薯片逐包試

{{hket:ul-video id="3439"}}{{/hket:ul-video}}