單對單｜江欣燕提13年主動要求離婚始末 迎合前夫吳積遜交際生活失自我

江欣燕（欣欣）昨晚（3日）擔任無綫《單對單》嘉賓，跟主持人黎芷珊大談單身生活。當講到昔日跟吳積遜離婚，欣欣大方承認是自己主動提出的，「我同佢連埋結婚，喺埋一齊有22年，我哋拍咗拖10年，跟住結婚12年，2013年7月時分開。（點解離婚？）因為當個人大個咗之後，開始認識番自己，發覺我哋內心有好大距離。我無討厭同前度一齊嘅時間，因為人生經歷好多嘢，呢個係我嘅成長，亦都多謝佢陪咗我呢廿幾年，令我眼界闊咗好多，係我決定『不如我哋唔一齊』嘅。（幾時開始有呢個諗法？）同佢一齊好似好開心咁生活，其實唔係我本質，冇做嘢嗰幾年，除咗出街就睇好多書，睇咗心靈嗰啲書，我就去搵我自己，好想了解我自己，然後又了解一下我同佢之間，我想去研究人……成日覺得我哋太細個就入行，我拍拖太少，唔夠多（男友）去開通我。」

{{hket:inline-image name="013.JPG"}}{{/hket:inline-image}}

{{hket:inline-image name="07042004.jpg"}}{{/hket:inline-image}}

【十八年後的終極告白】江欣燕黃智雯演母女差15年唔算誇 TVB呢齣劇母子真實年齡僅差4年【下一頁】

至於對婚姻的睇法，欣欣：「心靈上兩個人係一種綑綁，你諗吓你又未成長，唔知自己係邊位，唔知自己想要乜嘢。你會成長，對方又會成長，跟住覺得……做乜嘢我要困喺度呢？當然如果你結咗婚，亦都唔使驚，明白婚姻係點運作就得。廿幾歲就要決定去到尾，我真係唔知自己想點，所以我前夫咁樣，對佢有少少遺憾。（邊方面？）係我提出話行開（分開）嘅，就係咁！（佢係唔贊成？）佢當日冇反應，接受唔到，睇緊波……」

欣欣指前夫當時專注球賽，只是「哦」一聲又睇波，到球賽完結再細談。對於自己曾在訪問中以「糜爛」來形容跟前夫的其中一段時光，她說：「我覺得形容錯咗，好似得罪嗰段日子。因為前夫係一個人緣好好，周遊列國識嗰啲……係我啲行家，但係我點解同佢哋無咁熟、投契？咁我就嘗試去佢嘅交際世界，試吓佢嘅生活，見吓世面。飲酒有好處，可以拆走我度牆，即係我唔信任人嗰度牆；以前嘅我唔會無啦啦搵個舊朋友傾偈、講自己嘢，因為我唔會同人分享心事，亦都覺得自己冇乜嘢心事，我搞得掂；同你講得都係笑話，我係笑看人生，但係而家甚至乎唔識嘅人，我願意聽佢講嘢，願意畀意見，願意同佢交心。」

【十八年後的終極告白】江欣燕離婚不記恨樂觀人生 「放生兩個人是功德無量」【下一頁】

欣欣坦言現在會小心選擇下半生一齊行的人，「大個咗唔會好似以前咁，『我要戀愛』就夠，我經歷咗咁多，感覺呢樣唔係最緊要嘅嘢。你搵一個人，即係你要好了解自己，搵一個你鍾意佢性格嘅……其實對方係你嘅一面鏡。嚟緊嘅人未必係老公，可能係partner，因為婚已結過，我唔稀罕。」

（↓點擊圖片放大↓）

欣欣之後親自入廚招呼黎芷珊，江媽媽亦有一同品嘗。江媽媽分享兩母女逢星期日會出去睇戲，當被問到最不滿意欣欣的地方，江媽媽直言：「我最唔想你飲太多酒。」欣欣即搞笑話自己從來唔飲酒，又無飲醉過，亦最唔鍾意人飲酒。

撰文：梁榮達

同場加映：入行13年｜林秀怡跟阿旦學戲增值等好角色 成年無拍過劇：嗰排真係好得閒

{{hket:ul-video id="3442"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】