大S鬧離婚｜汪小菲帶貨搵銀被追問婚姻狀況 提起仔女情緒失控背鏡頭拭淚

大S徐熙媛6月初單方面「放狠話」指要與汪小菲結束十年婚姻，有指原因係大S睇唔過眼汪小菲喺社交平台「亂講嘢」。汪小菲事後「知衰」，出post試圖氹番老婆，不過大S似乎不為所動，就連6月27日汪小菲40歲生日大S都未有表示，二人到底能否走下去，仍然是未知之數。

{{hket:inline-image name="FMC9yPy1WGnuOuC0fhoLtRXB-A3zCZoZqr_LNKq_yzQ.jpg"}}{{/hket:inline-image}}

汪小菲婚變後首度正式公開現身，於內地直播平台帶貨，直播中當網友關心和大S的感情狀況，佢都一律唔回應，但提到自己非常想念一對仔女，並指非常想到台灣睇佢哋，不過因為往返兩岸一次就要隔離20幾日令佢卻步。當佢一提到兩個小朋友時，情緒起伏變得明顯，眼眶泛紅不斷擦拭眼角。

汪小菲直播帶貨時唔多出聲，不時眉頭深鎖，明顯心事重重。當主持提到「乳酪」嘅時候，汪小菲即刻提起一對仔女好鍾意士多啤梨味，又講到佢哋已經個幾月未離開過家門，眼泛淚光表示為家人未能打疫苗感到相當憂心，最後都係情緒失控一度要轉身抹眼淚。

同場加映： 馬國明父愛氾濫 對「囡囡」愛不釋手

{{hket:ul-video id="3404"}}{{/hket:ul-video}}