《Think Big》黐身老竇︳吳家樂跟實三子女喜好搵話題 女要錫仔要嚴教：流血都唔准喊

49歲的吳家樂結婚15年，與太太周蕙蕙育有大女及一對雙胞胎兒子，做爸爸的經驗已有十多年。家樂日前現身無綫節目《Think Big天地》做嘉賓，他自稱在大家庭長大，有兩個姐姐一個妹妹。被女仔堆包圍的他笑言：「佢哋好惡㗎，三對一喎，我冇咁傻挑戰佢哋！」他自認小時候百厭又多嘴，試過大發脾氣離家出走，「嗰個年代冇手提電話，又餓又冇錢，喺公園瞓咗幾粒鐘，最後都係死死地氣返咗屋企。」家樂笑言那一次算是自己最百厭的經歷。

{{hket:inline-image name="43.jpg"}}{{/hket:inline-image}}

吳家樂自認小時候好百厭，所以很明白小朋友的心態。（電視截圖）

{{hket:inline-image name="48.jpg"}}{{/hket:inline-image}}

家樂和太太周蕙蕙教導三個子女不需要做最叻的人，但一定要做好人。（電視截圖)

新冠肺炎│吳家樂無懼隔離只為一家五口團聚 罕曬三子女近照 網友：好似媽媽 【下一頁】

現在三子女已經十多歲，家樂為怕與子女有代溝，惟有做「黐身膏藥」，「我成日黐住佢哋，好想融入佢哋嘅生活同埋節奏，要變成佢哋嘅朋友、兄弟。阿仔學拉小提琴，我又學吓；佢彈琴我又學吓，佢哋玩乜我又跟住玩。」家樂希望透過這種方式多了解子女，從中找到共同話題。他又認為作為父母要懂得收放自如，管教子女時不能太鬆，但亦不能太緊張。

家樂指自己教導子女時會用不同方法，「女要錫，要保護；仔，踢波撞傷都唔准喊，流血就抹咗去，唔准喊！」家樂笑言確實做不到男女平等，所以更叮囑兩個兒子要硬淨，除了照顧自己，亦要照顧埋家姐。除此之外，家樂覺得家教也很重要，要教識小朋友尊師重道，做一個有品德的人，「喺屋企我要佢哋講中文，寫好啲中文字，揸好啲雙筷子；見到鄰居要打招呼，要有禮貌，呢啲我哋好堅持。」

至於對子女的期望，家樂搞笑說：「我連自己將來都未知，能夠對佢哋有乜期望呀！」不過家樂就覺得隨著成長，小朋友會有不同想法；而他自己和太太就認為最重要是做個好人，「我同太太覺得，做乜唔緊要，最緊要做個好人先，唔好做壞事。」家樂稱若能時光倒流的話，最想返到中學時代，「後悔自己太懶太貪玩，放棄咗好多讀書機會。如果自己努力啲，學多啲嘢，工作同生活上，都會有更多選擇。」

撰文：衛紫敏

同場加映：馬國明父愛氾濫 對「囡囡」愛不釋手

{{hket:ul-video id="3404"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

《東張西望》︳兩間果汁店積怨8年罵戰無休止 鬧爆偷師另起爐灶：飲完生癌 【下一頁】