熒幕父子｜林峯秦沛13年後重逢已「抱孫」 勾起網民回憶翻煲《流金歲月》

無綫創造過唔少經典劇集，仲捧紅過好多小生花旦。其中劇集《流金歲月》當年可以話係有口皆碑，收視非常好之餘，就連主題曲都家傳戶曉；今時今日，呢套劇已經上晒神枱！

{{hket:inline-image name="GoldenFaith_Large.jpg"}}{{/hket:inline-image}}

尋日林峯就喺自己微博Post出同「老竇」秦沛嘅合影，留言：「十幾年不見依舊帥氣的老爸。」相中二人笑得好燦爛，秦沛輕輕搭住林峯膊頭，似足真父子呀！有好記性嘅網民即刻指出，二人曾經喺劇集《流金歲月》中扮演父子，話一見到呢張相真係咩回憶都返晒嚟！其實當年《流金歲月》中嘅林峯仲係好青澀，仲未係劇集嘅第一男主角，而男主角係佢嘅「哎呀」大佬羅家良同埋溫兆倫；至於女主角就由宣萱扮演，楊怡、葉璇同胡杏兒做配角，睇卡士都知咩料！

《流金歲月》搶Fo嘅仲有一眾老戲骨，演大奸角嘅郭峰同秦沛一場嗌交戲不慍不火，盡顯功架；飾演阿叔嘅終極大奸角駱應鈞最後擺布林峯，令到佢同黑道再次合作，搞到家族生意岌岌可危，睇到觀眾咬牙切齒。唔少網民都話想即刻由頭煲一次《流金歲月》呀！

秦沛身為無綫嘅御用老竇，同林峯嘅合作又點止得一套《流金歲月》！二人喺《太極》中都係演兩父子，不過相隔5年，林峯終於擔正做男一，估唔到佢哋喺呢次合作之後已經再冇碰頭。13年後，林峯已經成家立室做埋人老竇，秦沛未有親生孫都可以抱住呢個「哎呀」孫先啦！

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】