寶珮如同吳鎮宇拍戲全程被忽視 經理人解畫：冇人入到佢嘅世界

亞視出身的寶珮如（Baby），因1999年遇上車禍而暫別幕前，直至2018年參與電影《藍天白雲》復出，令Baby第一次提名金像獎「最佳女配角」。繼早前拍攝以露宿者為題材的電影《濁水飄流》後，近日忙於為無綫新劇《痞子殿下》開工。日前Baby接受電台節目《1圈圈星光背後》訪問，分享她在拍攝《濁水飄流》時，第一次與影帝吳鎮宇合作，卻感備受冷待。

{{hket:inline-image name="50.jpeg"}}{{/hket:inline-image}}

電台主持梁泰來邀請寶珮如接受訪問。（圖片：電台提供）

吳鎮宇缺乏父愛拒步爸爸後塵 爭取處相時間幫Feynman補中文 【下一頁】

Baby坦言第一日開工已感受到吳鎮宇的強勁氣場，「最初真係好驚鎮宇！除咗佢嘅氣場，每日開工同佢打招呼、講早晨，都總係唔睬我！」最初她還以為自己遲到或是做錯事情，令對方不高興，後來吳鎮宇經理人Helen解釋「佢一工作就全程投入……鎮宇喺片場唔會同任何人傾偈，食飯都係同助手坐埋一邊，冇人可以進入佢嘅世界」。到電影製作後期時，Baby接到Helen來電，是幫鎮宇傳話的，「Baby恭喜你，鎮宇睇完整部齣電影，冇讚任何人，只讚你一個，話你演得好！」演技得到影帝的認同，Baby感到超開心！

在《濁》片中，Baby演活殘障露宿者「蘭姑」，而在現實中，Baby當年遇上車禍導致毀容及盤骨碎裂，經歷7年間的大小手術，手術費已花盡她畢生積蓄，加上手停口停要借錢度日，「感恩身邊好多朋友幫我，潔儀姐姐（袁潔儀）係我生命中嘅天使，佢本身都冇錢，但我一開口問佢借錢，佢一出糧就分一半畀我，仲有大姐明（林建明）都一樣。」

Baby曾有自殺念頭，感到看不見明天，「借錢度日沒完沒了，加上手術失敗又要再做，單係嘴部嘅手術都做咗7、8次。我好貪靚，男朋友對自己若即若離……每日面對手術、食藥，為生活費……好攰，好討厭自己，嗰時想跳樓，但好驚唔敢……就處心積慮儲埋精神科醫生畀我嘅安眠藥去自殺。」幸好沒有做傻事，重新面對自己，終於找到出口。

撰文︰衛紫敏

同場加映：Mirror傳明年紅館開10場演唱會 Lokman同AK點樣答？

{{hket:ul-video id="3352"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

聲夢傳奇│Hugo與周柏豪合唱被網友估中出局 炎明熹靚聲有性格唱片公司爭簽 【下一頁】