Mean Talk｜何廣沛直認曾因負評被珍姐勸退 「佢話我不如唔好做呢行啦！」

何廣沛、郭子豪及方紹聰接受《Mean Talk》訪問，主持林盛斌（Bob）及江美儀發揮Mean爆本色，讀出三子大量負評。對於被抨擊把聲難聽令「耳朵流產」，何廣沛直認最近遭珍姐（曾勵珍）「提點」：「佢話我講嘢真係唔得，做得好差，不如唔好做呢行啦！嗰刻我終於知道嚴重性。」他又指曾在珍姐房間練習英文咬字長達一小時，並謂十分感激珍姐培育及耐心教導。

{{hket:inline-image name="007.JPG"}}{{/hket:inline-image}}

而郭子豪則被追問當年鬧至滿城風雨的失場事件，事緣於2017年曾傳他為江嘉敏甩底倒數騷。郭子豪解釋：「當時係種種原因導致自己亂晒籠，原因包括屋企，當時同前女友關係又處理得唔好……總之唔想見人，有情緒問題。我直頭熄咗手機幾日，匿喺屋企。」不過郭子豪就感激當時劇集監製潘嘉德的暖心慰問。

{{hket:inline-image name="011.JPG"}}{{/hket:inline-image}}

郭子豪又自揭與女友鄧卓殷的肉麻點滴，原來從兩年前開始，二人每晚都會video call住對方入睡，令江美儀與阿Bob大嘆「Sweet得嚟好黐線」。郭子豪續說：「瞓住都唔會熄部電話，第二朝瞓醒又見到對方。如果佢仲未醒，我咪開住個call做住自己嘢先。」

（↓點擊放大睇圖片↓）

何廣沛、郭子豪及方紹聰三個平時老友鬼鬼，不過就話大家平時唔講心事，反而講壞話多啲。何廣沛笑言：「講乜心事，我哋都唔friend。」郭子豪表示：「我講壞話就會啫！」

主持問到大家會唔會知對方鍾意邊一type女仔，郭子豪就即席向女友鄧卓殷示愛，而方紹聰就笑話：「我仲未知自己係咪鍾意女仔。」何廣沛話唔使問佢：「我媽咩生肖咪係咩生肖，（郭子豪：係咪屬豬？我媽天蠍座呀！）

{{hket:inline-image name="sdv.png"}}{{/hket:inline-image}}

Mean Talk│蔡思貝被質疑忽然富貴委屈落淚 「所謂女一係住二百呎瞓碌架床」 【下一頁】

同場加映：黃子華再拍賀歲片《飯戲攻心》 大讚鄧麗欣係香港地道女神

{{hket:ul-video id="3316"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】