玩Poker勁好運│鄧麗欣玩牌聽到方力申即變臉掟嘢 大方講往事：佢唔係好敢教我嘢

鄧麗欣（Stephy）早前接受好友郭偉亮（Eric Kwok）、劉浩龍和谷德昭的邀請，到三人的YouTube Channel一齊玩Poker；以往不少女嘉賓都不懂玩法，多數都要幾位男士教導，但Stephy原來是老手，而且跟三人稔熟，玩得非常投入。遊戲未開始前，谷德昭大讚Stephy是個有「分數」的女生，每次拍戲都稱呼她為「鄧女士」，教戲更是一點即通，非常厲害。

師父有請｜方力申被同齡女「睇唔起」宜娶少妻 鄧麗欣超撇脫從未過問海量緋聞【下一頁】

{{hket:inline-image name="stephy4.jpg"}}{{/hket:inline-image}}

遊戲開始，劉浩龍鬼馬地說︰「過往女嘉賓都會獲得額外$1,000元籌碼作賭本，Stephy會唔會接受？定係認為男女應該平等？上次有一男一女嘉賓，男嘉賓認為咁樣唔公平，得佢一個出聲，佢仲係我哋節目第一位男嘉賓……」Stephy細心聽完分析後，自稱天秤座性格，有信心可以與男主持公平競爭，婉拒$1,000籌碼，劉浩龍︰「呢集要畀嗰位男嘉賓重溫嘞！」Stephy不虞有詐，問到底男嘉賓是誰，郭偉亮答：「游水嘅！」她即時將手上的計時器扔落賭枱，連扔兩次，不過Stephy都係笑笑口嘅。

{{hket:inline-image name="stephy5.jpg"}}{{/hket:inline-image}}

歐鎧淳曾稱小方教她很多東西，在各方面給予她很多的建議，谷德昭問︰「佢有冇教過你呀Stephy？」女方一臉疑惑說：「你指以前？冇冇……佢唔係好敢教我嘢嘅！」谷德昭後來「補飛」指游水一定要靠小方教路，Stephy點頭認頭。

Stephy玩Poker非常厲害，贏過「高手」郭偉亮多鋪，她笑言揀朝早拍攝節目是高招，「因為幾位男主持都唔習慣早起……」未回魂未清醒下令她可以得心應手。

Stephy入行後跟同公司的方力申多次合作，漸生感情，穩定發展，兩人拍拖十年，由地下情發展到公開戀情，是受到各方祝福的一對。直至2016年突然分手，令不少人震驚。近年，Stephy與比她少6歲的台灣藝人邱勝翊展開「姊弟戀」，雖然長期分隔兩地但感情穩定。

鄧麗欣一秒變容祖兒本尊都撈亂 「文化差異」王子捉字蝨：你學壞了【下一頁】

同場加映：黃子華再拍賀歲片《飯戲攻心》 大讚鄧麗欣係香港地道女

{{hket:ul-video id="3316"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉