《Mean Talk》︳丁子朗爆主動約湯洛雯視像睇戲 未開始展開追求 女神已情定馬明

一班無綫「小鮮肉」擔任嘉賓，現身林盛斌（Bob）、江美儀主持的J2《Mean Talk》，當中話題夠到肉夠mean；日前一集丁子朗（Karl）越爆越多，例如拍攝《森美旅行團》時不惜修剪體毛，講到新人拍劇，他遇上「女神」湯洛雯，兩人有一段鮮為人知的關係，男方卻嘆「辛酸」……

{{hket:inline-image name="01.jpg"}}{{/hket:inline-image}}

丁子朗稱，拍旅遊節目全裸並非博出位。（電視截圖）

{{hket:inline-image name="08.jpg"}}{{/hket:inline-image}}

六位小鮮肉擔任《Mean Talk》嘉賓。（電視截圖）

Mean Talk│余德丞一場大病被標籤為孱弱書生 連番失工作機會 寧執二攤都𢲷劇拍 【下一頁】

江美儀指對Karl最深印象是他在日本拍攝節目時全裸浸溫泉，「感覺佢博出位」，Karl自辯︰「因為森美要求全裸上陣，我新人……頂硬上say yes！」兩男玉帛相見，Bob插嘴「森美乜嘢size」，Karl尷尬回答：「冇特登望，都係一擗嘢囉！」全裸拍攝之前，他專登修剪體毛，「因為之後去拍相撲，穿布襠，修剪一下好啲（要剪晒？），剪剩少少，因為話有用喎……」如此坦白笑爆全場！

Karl同時分享做新人拍劇的辛酸，指第一次拍劇（2018年《再創世紀》）超緊張不停NG，遭導演訓罵「你演唔掂就出去，搞掂先入嚟」，幸好當時「女神」湯洛雯幫口「新人係咁㗎啦，佢第一次拍戲咋」，這時江美儀打蛇隨棍上，「你追佢？」Karl食咗誠實豆沙包，「我有約佢去睇戲，佢話好危險！（怕狗仔隊）最後冇physically咁出嚟睇，係有一次facetime，大家同時撳制咁睇……」真係好浪漫好cyber！

點解放棄繼續追求湯洛雯呢？Karl呆了幾秒，然後答：「之後佢就同咗馬明（馬國明）一齊喇！但我唔係追佢嘅心態，係用一個後輩仰慕前輩嘅身分……」不過在兩名主持前後夾擊下，他終於承認，「九成九係冇，少少係有……」江美儀反寸Karl，「係九成九想追人，但追唔到就九成九冇啫！」他反擊的機會是零！

撰文：衛紫敏

同場加映：愛回家│吳偉豪首次開腔親認拍不雅片 龔燁熊若水婚事會有阻滯？

{{hket:ul-video id="3296"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

衝上雲霄大選│麥大力被影到與簡淑兒街頭纏綿 疑拍節目撻著 孖住潛水勁投契 【下一頁】