阿嬌「渣男磁石」曾分手後被唱 仍相信愛情爆拍拖時用可愛暱稱

現年40歲嘅阿嬌（鍾欣潼）最近參加內地觀察類真人show《怦然心動20歲》，大方分享愛情經歷同睇法，佢直率嘅表現令到唔少網民對佢刮目相看。最新一集節目，佢自爆同某一任男友分手後的經歷，自言係「吸渣體質」。

{{hket:inline-image name="Sg86T4D8a2KORHA6PgLD1A47ewVbZ_sjCYypvQmMqb0.jpg"}}{{/hket:inline-image}}

主持人問到阿嬌：「如果你很喜歡的男生，跟你說對你好感度非常高，但是他覺得兩個之間可能有一點點不太合適，你會怎麼做？」阿嬌坦言：「看我有多喜歡他……（那你會很容易受傷吧？）當然！」隨後阿嬌大方分享一段戀愛經歷，這前男友的傷害令她非常難受。當年阿嬌去澳洲讀書前結交咗一位男友，男友本來要去美國讀書，但為咗阿嬌轉去澳洲；不過喺佢哋一齊去外國之前，二人分手……各自來到外國讀書，去到一個全新嘅環境，嗰個男仔居然唱衰阿嬌，講一啲不盡不實嘅壞話，「說一些對我不好的事情，我就覺得好難受！那個時候我就打電話回家，向家人哭訴。」

主持人再追問她︰「現在還是繼續吸引渣男嗎？」阿嬌急忙否認︰「沒沒沒沒有……」誓言要過幸福生活！佢再自爆拍拖時喜歡用「Baby」及「鼻鼻」來稱呼男友，引起眾人大笑！

其實回顧阿嬌嘅愛情史，的確喺情路上飽受挫折。原以為2018年同台灣醫生賴弘國結婚，從此以後過住幸福嘅日子，不料婚姻只係維持14個月就結束。阿嬌曾自覺不會再婚，但她仍然對愛情抱有希望。

除咗賴弘國之外，亦出爆出阿嬌同韓國籍男友「K先生」（權寧一）秘戀，戀情只維持10個月就結束。仲有傳「癡心情長劍」麥浚龍（Juno）明愛暗戀阿嬌多年，二人於2007年傳出因電影《破事兒》假戲真做，繼而玩地下情，最後呢段情維持1年多，分手收場。另外仲有同陳冠希（Edison）拍拖，二人離離合合4、5年時間；其他緋聞男友尚有余文樂、方力申﹑房祖名﹑內地富二代秦奮等……真愛呀我要真愛呀！

同場加映： 港姐第二輪面試｜ 裕美認奴隸為林作媽媽陪契女 「星二代」關楓馨VS.麥翠嫻愛女

{{hket:ul-video id="3243"}}{{/hket:ul-video}}