軟飯王出沒注意！女士們小心呀！《東張西望》報道有兩名女士中招，騙財過百萬，欺騙別人感情更加罪加一等！據兩位受害女士Karlie、Mabel提供的「軟飯王」資料，對方年過50，身型肥胖，臉形脹爆，自稱為David Chou，在史丹福法律系畢業；至於職業十分「多變」，視乎對象而定，對Karlie時自稱是大律師，但對Mabel則以金融公司老闆自居，給兩女的感覺，對方是有錢又懂討人歡心。
《東張西望》揭露「肥佬軟飯王」專門呃女人錢，騙徒手法唔使層出不窮。（電視截圖）
兩位女事主被騙去過百萬元。（電視截圖）
受害人Karlie講述認識「軟飯王」的經過。（電視截圖）
《東張西望》︳慈雲山鐘錶黑店高價8倍劏客 伯伯交金勞抹油一去冇回頭 【下一頁】
受害人Karlie向主持林希靈透露，當初和丈夫辦離婚，透過網上了解一些法律意見時而認識軟飯王David，向她自稱「I am a barrister」，之後對方相約會面都是出入高級地方，營造一副有錢、專業形象，Karlie後悔地說︰「見佢有司機、靚車、保鑣。」她提供David在酒店食飯的短片，見一男子滿口英文，完全令她放下戒心。
而David對Mabel展示另一個身分，她說：「佢話自己開基金公司，有遊艇，又有多架名車，話住淺水灣萬呎豪宅，同唔少有錢人好熟。」她著迷於David的花言巧語，成為情侶，「佢花好多時間陪我，又喺我公司樓下等幾粒鐘，等我放工。」當葡萄成熟時，男方終於出手向兩人要錢，Karlie說：「佢話同老婆離婚，打緊官司，令到私人同公司戶口都被凍結……所以前前後後問我借咗好多次2萬！」Mabel亦「不能倖免」，「差唔多隔日就叫我撳錢，撳咗都超過40幾60次……仲用我信用卡嚟買衫、買名牌、同朋友去食飯……齋卡數都60幾萬！」2萬又2萬，保守估計「潑出去嘅水」已超過百萬元。可惜的是，情是永遠令人着迷，Karlie亦未覺異樣……
直到一次，Karlie看到David藥包上的名字與她所知的不同，才起懷疑。她用藥包上的名字上網，唔search由自可，驚覺對方是騙子，「我發現原來佢係新加坡嘅罪犯，係一個騙子！」
Mabel同樣心生懷疑，有一次David用手機軟件入數給她，發現他的頭像是一個女人同小孩的相，「個女人係佢女朋友，小朋友係佢個仔……」據知其女朋友叫Michelle，這三人家庭住在紅磡某屋苑。
東窗事發，David真面目被揭穿後，Karlie、Mabel遂向他「追數」，Mabel無奈表示：「追佢還錢，佢就用粗言穢語鬧你，仲話報警嘅話，佢一毫子都唔會還！打官司就用晒你啲錢嚟打，仲同警察講長命債長命還。」
《東張西望》翻查網上詐騙新聞，發現David早已臭名遠播，原來他不是姓Chou，本名是「王XX」，為是新加坡籍華人。「王XX」於2011年在香港因一項盜竊及14項欺詐罪成入獄，2014年8月刑滿出獄；當年新加坡傳媒更以「獅城『軟飯王』香港出獄，申請不被遣送回國遭拒」作報道，最終他被遣返新加坡。未料事隔多年再來香港重施故技，成功騙女人錢。
主持人林希靈追訪David經常出沒的地方，例如蘭桂坊的幾間酒吧，皆不果，他們均稱David已有一段長時間沒有出現。之後林希靈透過電話成功找到David，對以假身分騙財騙感情，他即表示︰「邊個講呢啲廢話？全部都係廢話！你係咪想被人告?（話你自稱大律師?）全部係廢話！Who are you?」再追問他，即時掛線；之後再聯絡其女伴Michelle，她承認是「王先生」家人，但當聽到他涉及欺詐的問題，同樣掛線！
Karlie、Mabel兩名受害人十分無助，軟飯王逍遙法外，Karlie曾想過輕生，「感覺被人嚴重出賣，而家對人都失去咗信任。」Mabel如此形容慘痛經歷，「好恐怖，發夢都會嚇醒。」
撰文：衛紫敏
同場加映：曾被童顏拖累│譚偉權熱愛戲劇苦無成績愧對家人太太 「爭取名利係想同自己有個交代」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
許芷熒機場送別家傭返家鄉退休 相擁落淚:下世要做血脈相連親人 【下一頁】