41歲生日│黎諾懿恨足4年生日如願大豐收 老婆再度懷孕 小春雞準備做哥哥

恭喜黎諾懿雙喜臨門！今日（15日）是黎諾懿的41歲生日，同時亦傳來喜訊，指他與太太李潔瑩（Nicole）成功追到第二胎，可說是諾懿最好的生日禮物。

黎諾懿和太太Nicole結婚7年，2017年一索得男誕下「小春雞」；而2年前兩夫婦已經有意再追多個，希望能湊成一個「好」字！黎諾懿早前在接受傳媒訪問時亦恨生B女恨到講出口，表示會不設防「造人」。兩夫婦一直四出找尋「生B」秘方，除了太太睇中醫調理身體外，黎諾懿亦曾言因想生女，狂食生蠔壯陽，亦不吃「垃圾食物」；就連「造人」姿勢體位，到擇時辰吉日都照跟，希望能追到第二胎。為追B女去到咁盡，現在終有回報！

{{hket:inline-image name="19.jpg"}}{{/hket:inline-image}}

黎諾懿一家即將有新成員加入啦！（圖：Nicole IG）

{{hket:inline-image name="15.jpg"}}{{/hket:inline-image}}

4歲小春雞即將做哥哥啦！（圖：Nicole IG）

寶寶大過天│允豬長大了變岑麗香女兒童童 4歲梁芯語獲監製讚喊戲收放自如 【下一頁】

不過由於兩人追B追了幾年先成功，亦因Nicole有喜未夠3個月，為怕BB「小器」，兩公婆暫時要對外「封口」，未能正式宣布喜訊。不過早前在預祝老公生日的飯局上，Nicole已被發現身型有輕微變化，不但臉頰變圓，腰圍亦比以前粗。Nicole亦不吃生冷食物，更滴酒不沾，孕味甚濃，但就未有透露半點有喜風聲。至於得知太太有喜的黎諾懿，目前一切以太太為先。原本他要北上內地工作，現在即叫「煞停」，情願賺少點都要留在香港，以照顧太太身體及小春雞為先。

對於再做老竇的喜訊，黎諾懿回覆《晴報》時繼續口密，表示：「多謝大家祝福，BB嘅事，我哋會喺適當嘅時候公布嘅。」亦因正藉是他生日的大日子，黎諾懿稱收到很多朋友的祝福，很感謝大家。作為廿四孝老竇的他，生日照以兒子小春雞為先：「今日生日都唔會特別慶祝，因為囝囝放假，會帶佢去玩吓啦，總之多謝大家啦，有好消息就同大家公布！」

黎諾懿亦在生日前夕「父女團聚」！事緣他和在《BB來了》中飾演李佳芯寶貝女的「允豬」3年前結下父女情，昨日（14日）一班「允豬」舉行父親節Party，邀請劇中「父母」黎諾懿和李佳芯出席；黎諾懿更帶埋囝囝小春雞現身，似乎想讓兒子學習如何做哥哥，為未來做準備。而黎諾懿亦有在IG分享與「允豬」一起慶祝父親節的喜悅，寫著：「（拍攝）一套劇多了八個囡囡，一齊提早慶祝父親節！#允豬豬」。網民紛紛留言表示懷念他們「一家團聚」的畫面，又問為何黎諾懿和李佳芯無份參演正在播出的《寶寶大過天》，「可惜續集冇你哋」、「點解唔係你哋拍」、「《BB來了》無可取代，最愛允豬一家」。

撰文：衛紫敏

同場加映: 曾被童顏拖累│譚偉權熱愛戲劇苦無成績愧對家人太太 「爭取名利係想同自己有個交代」

{{hket:ul-video id="3166"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

寶寶大過天│岑麗香演神經質媽媽反應好壞參半 2歲囝囝睇劇呷醋反應超級可愛 【下一頁】
 

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】