李連杰細女美國名牌高中畢業 18歲完美遺傳媽媽利智驕人身材

國際巨星李連杰1999年和女星利智再婚，生下大女兒Jane、小女兒Jada，李連杰不時喺社交平台曬兩粒掌上明珠，眨吓眼兩位千金已經亭亭玉立，甚有乃母之風！Jada今年3月踏入18歲成年，日前高中畢業，踏入人生嘅另一個階段。

{{hket:inline-image name="197508842_490788935587561_6932588880330077030_n.jpg"}}{{/hket:inline-image}}

Jada着白色短洋裝，仙氣滿滿，低胸設計展現出佢傲人好身材，同稱之為一代性感尤物嘅媽媽利智有得揮呀！姐姐Jane都有現身參加妹妹畢業典禮，但李連杰同利智就冇出現喺合照中。Jada分享畢業相，感恩留言：「four years I won’t ever forget......thank you andover.」

{{hket:inline-image name="94889971_262326924804412_93952843569978721_n.jpg"}}{{/hket:inline-image}}

李連杰同前妻黃秋燕1987年結婚，3年後離婚，兩人育有兩女，再加上男方同利智所生兩個女兒，李連杰共有4個女，真係天生外父命。其中Jane、Jada繼承咗李連杰、利智嘅基因，非常出眾，特別受到外界關注，長女Jane不只外貌突出，學業成績也高人一等，目前就讀美國哈佛大學，更以做總統為目標。

李連杰早年受訪時指，教育女兒責任都由太太負責，形容利智係「超級虎媽」，女兒未滿1歲已請家教老師，到Jane 6歲時，佢已經係兩屆全國跳舞大賽冠軍；平時仲會畫畫、吹長笛、彈鋼琴等，更熱衷公益事務，真正係大家閨秀。當年佢不僅獲哈佛大學錄取，仲有耶魯大學、普林斯頓大學向佢招手，而李連杰表示對女兒嘅選擇抱開放態度，唔敢畀太多意見，「一旦選錯了大學，她會說是我們，所以我叫她們自己選。」最後Jane選讀哈佛嘅文理學識課程。

而二女Jada從小喜歡音樂，11歲時參加長笛表演，後來選讀前總統甘迺迪的高中母校菲利普斯學院（Phillips Academy），據知該校創立於1778年，每年寄宿學生學費約6萬1千美元，相等於約47萬3千元港紙。

U Lifestyle App自家節目登錄《U TV》專區！
↓↓試玩、試食、試用影片任您睇↓↓

【立即體驗】