《東張西望》︳慈雲山鐘錶黑店高價8倍劏客 伯伯交金勞抹油一去冇回頭

慈雲山區內一間由兩母子打理的鐘錶店經營十多年，但其不良的經營手法被街坊視為黑店！《東張西望》接獲一位街坊陳小姐求助，指該間鐘錶舖以480元「超離地」的價錢向其母親收取手錶更換電池費用。究竟是黑店全心詐騙還是有所誤會？《東張西望》派出主持黃穎君到現場直擊！

{{hket:inline-image name="39.jpg"}}{{/hket:inline-image}}

慈雲山鐘錶舖母子的不良經營手法令街坊頻頻「中招」。（電視截圖）

{{hket:inline-image name="42.jpg"}}{{/hket:inline-image}}

陳小姐稱母親到該鐘錶舖更換手錶電池，竟被收取480蚊，相當離譜！（電視截圖）

《東張西望》︳樓下惡男上門潑屎尿膠水封匙窿 受害一家被指噪音騷擾成出氣袋 【下一頁】

據求助的陳小姐向主持人講述事件經過，指陳媽媽在5月10日，為老人院的一位老人家拿手錶去換電池，當時入到鐘錶舖，老闆娘表現得好細心，還說天氣熱，叫陳媽媽坐下來吹風扇解暑；陳媽媽欲更換手錶電池、調較錶帶，問及換電池的收費時，老闆娘未有回答。當老闆娘為陳媽媽檢查手錶時，說時遲那時快，老闆娘的兒子二話不說為手錶換電，對手錶帶有所動作，之後就向陳媽媽收取480元維修費！

陳小姐不憤說：「呢隻又唔係名錶，只值200蚊，正常人都唔會花幾百去換電池，幾百蚊夠買一隻新錶啦！」同時指對方一直沒有說出價錢，待換電後才講收費，相當不合理。

{{hket:inline-image name="46.jpg"}}{{/hket:inline-image}}

陳媽媽有向錶舖老闆娘詢問價錢，但對方冇答幾錢就自把自為幫佢換電。（電視截圖）

{{hket:inline-image name="44.jpg"}}{{/hket:inline-image}}

一粒手錶電池只係40至60元，黑店就收480元，食水好深喎！（電視截圖）

之後黃穎君和攝製隊到達懷疑黑店現場，確有一對母子睇舖，店內外貼滿大字報，擺設相當雜亂。節目找來一位男街坊「放蛇」，親試母子是否高價劏客。男街坊向老闆娘聲稱手錶「冇電、停咗，換普通電池就得」，老闆娘慣常叫客人「坐低」，「我哋淨係做原裝電，一係日本，一係瑞士……原裝電襟用！用幾年都唔壞。」但追問價錢她卻耳充不聞，一再問價下，她竟然如此回答︰「梗係換咗（電池）行得先講你聽（幾錢），唔行我唔講……」邊講邊將手錶交給兒子檢查，之後仲話「嗱，試咗日本電、瑞士電隻手錶都冇反應」，硬說手錶要維修，收費480元！

（↓點擊圖片放大睇↓）

明明只係換粒電池，反而變手錶維修？「放蛇」男街坊不欲中伏，眼明手快，取回主動權，取回手錶離開！他再到附近一間錶舖驗查手錶是否出問題，發覺手錶換電後便運作正常，而所謂日本、瑞士的原裝電池，只是40元和60元的價錢，相比黑店兩母子開價480元，足足高出8倍！

黑店鐘錶母子除了高價牟利之外，更懷疑扣起客人手錶不還，黃大仙區議員黃逸旭向主持人表示，有一位老伯伯向他求助，表示兩個多月前將一隻勞力士金錶交給母子抹油，並付了1,500元，對方說一星期可以取回，但至今「金勞」一去冇回頭！

主持黃穎怡深入虎穴，追問老闆娘是否抬高8倍收費，她理直氣壯說：「咁你咪拎去第二到整囉！（咁隻金勞呢？你哋唔畀番人?）係佢畀時間我哋整，你哋唔好反轉嚟講！」之後老闆娘使出絕招──「逐客令」，甚至先下手為強報警處理，仲攞尾彩深深不憤爆粗鬧攝製隊，「我要你哋賠償千萬損失！」這場對質大戰，惹來不少花生友免費睇show，甚至有街坊咆哮︰「曾經幫襯呢兩母子，做咗『水魚』劏到我一頸血呀陰公！」

（↓點擊圖片放大睇↓）

撰文：衛紫敏

同場加映: 男團MIRROR成員Anson Lo、Edan、 Ian七月網上開騷 三子誓要演出有驚喜 Ian生日竟派利是？

{{hket:ul-video id="3075"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

《造美人》︳女版K Lau Miko得網民歡心成大熱 地盤女工OK對答惹笑 強尼都投降 【下一頁】