洪卓立內地拍劇突然抽搐暈倒 嘔白泡送院一度危殆昏迷10分鐘

洪卓立（Ken）早前到內地順德拍劇，更將愛犬「肥膏」暫時交畀曾經拍拖11年嘅前女友湯怡代為照顧。日前仍然喺內地開工嘅洪卓立突然抽搐暈倒並從高處墮下，昏迷超過10分鐘。口吐白泡的他，隨即被送到醫院急救，據悉醫生表示他情況一度危殆，指甲更加發紫，幸好現時情況良好。

{{hket:inline-image name="d1b0e51e041650ab86ffe9fd009a124a.jpg"}}{{/hket:inline-image}}

Ken嘅經理人公司英皇娛樂多謝大家關心洪卓立情況，表示佢現時已回香港，並於家中休息；亦有再去醫院作全面檢查，檢查的報告則有待回覆：「暫時頭部檢查是正常的，因為膊頭落地，所以左手暫時不能舉起，正在做物理治療。他的確是一度昏迷，而且缺氧，但是我們以最迅速的時間送了他入醫院，救護車亦非常快的到達，在車上進行急救。雖然有嘔吐，但是在車上已經甦醒。」

{{hket:inline-image name="J2n_V4MSUpiWaG3Pwt4A5J8Qj0hKe4EhaBgkLGgYJCw.jpg"}}{{/hket:inline-image}}

經理人表示今次洪卓立係突然抽筋暈倒而墮下，但係佢冇病史，亦已經進行腦部掃描，一切正常，大家可以放心。而Ken手頭上還仲有電影同電視劇等佢復工後開始，不過大家都好支持將拍攝檔期推後；而劇組對於Ken嘅工作表現都非常滿意，仲加咗佢戲份。

Ken身體似乎都恢復得幾好，更親自錄音回應，聽落好精神：「十分抱歉，同埋十分多謝大家關心，又唔好意思地要大家擔心。我而家返咗香港休息，個人冇乜事喇！但可能左邊膊頭成個倒轉（跌）落地，而家左手都未係好靈活、未係好舉得起。希望快啲好番，等疫情過就再返去開工拍埋剩低嘅戲份，再做其他工作。呢件事發生有開心有唔開心啦，唔開心就係令到大家好擔心，助手、媽咪同埋特別係導演，佢由我暈咗向後跌，跟住入醫院、嘔……成個過程都見證住，又係咁氹我，『冇事嘅、撐住呀兄弟』；又喺醫院陪我過，佢都好辛苦。開心嘅係發現好多愛，身邊有好多朋友未必成日傾偈見面，但當你一有事又好關心你……睇有冇啲湯水煲畀你飲呀，有冇啲好醫生介紹畀你，非常之暖心。」

Ken今日再社交平台分享一張天文現象「日冕」嘅相片，話係自己拍劇期間影到，感慨留言：「人們常說，經歷過生死的人，會對人生有新的體會及領悟。
大概是上天要我再多一點歷練吧。我不是那種曉以大義的人，更不擅分享，只知道經過這次後，未來日子活在當下，更要珍惜當下。」

（↓點擊放大睇圖片↓）

而Ken今次暈低原來同佢飾演嘅角色有關：「我自己都希望食番多嘢先啦，拍戲時都好想自己做番個弗啲嘅『大魔頭』。我喺戲入面第一次做奸角，都好希望做好啲。前嗰排係食得少啲，加埋天氣又熱、戲服又比較厚，可能加埋燈光嘅關係嗰日就『爆』咗，中暑啦。返嚟開始我就係咁食嘢，食番精神個人先，可能再慢慢做運動，等自己準備好，等嚟緊工作順順利利。多謝導演，多謝擔心我嘅朋友，我會盡快好番，變番靚靚仔仔返嚟。」

Ken於2006年參加「英皇新秀歌唱大賽」奪得亞軍，因為唇紅齒白，甚受女性歡迎，更成為翌年嘅新人王；2008年憑《彌敦道》一曲橫掃各大電台歌曲榜冠軍。外形「弱質纖纖」嘅Ken內裡都好「潺仔」，2009年因爆肺兼肺積水被迫停工休息接近兩年，更多次傳死訊；有網民仲惡搞佢首《彌敦道》變成《陰陽路》，認真大吉利是！

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】