追思會丨陳積榮心血好友將合力代完成 駱振偉難忘Jeff樂觀善良兼靚仔

無綫前藝員陳積榮（Jeff）去年患上第四期肺癌，上月15號不敵癌魔病逝，終年38歲；他的追思會於今午1點半在尖沙咀聖安德烈堂舉行，場內有一本《記住我們Jeff Chan》紀念冊，記載Jeff生前與一些好友相處點滴及生活照。

{{hket:inline-image name="2706947-PH.jpg"}}{{/hket:inline-image}}

陳積榮生前一眾好友包括駱振偉、孫慧雪、謝珊珊、鄧永健、關浩揚、容羡媛，為他擔當治喪委員，其中駱振偉、容羡媛和陳積榮是大學同學，駱振偉受訪時說起與陳積榮的點滴：「太多回憶，例如平日打麻雀、玩樂，睇番啲舊相係好開心，Jeff係一個充滿正能量嘅人，成班朋友都好懷念佢，佢永遠都係照顧人哋多過自己，今次佢打呢場仗同時希望畀其他患者知道更多呢方面嘅資訊。」

{{hket:inline-image name="1.jpeg"}}{{/hket:inline-image}}

陳積榮女友將於8月舉行相展紀念男友，希望分享正能量。另外孫慧雪和Jeff在2006年入讀TVB藝員訓練班，二人相識16載友情深厚，她將與一眾好友完成陳積榮未完成的電影作品，「佢喺一年內寫好一個劇本，係關於演員訓練班嘅故事。」續指：「佢希望患病嘅人唔好放棄，呢段時間佢都好開心，感受到好多愛，多謝大家對佢嘅關顧。」

（點擊圖片放大）

紀念冊則由同樣為訓練班同學鄧永健負責統籌，他說：「Jeff屋企人意願，想製作一本小冊懷念佢，所以就問身邊朋友攞相組合成呢本小冊，希望大家記住Jeff嘅好。」此外，一眾娛樂圈中人包括馬浚偉、古天樂、張敬軒、胡定欣及20期藝員訓練班的同學等都有送上花牌致意。

駱振偉在紀念冊撰寫長文悼念Jeff，稱讚對方為人，心地善良、最樂觀，相信Jeff守護在朋友身邊，「大學認識你，一齊上莊、一齊癲、一齊住hall，我哋一齊成長。睇住你送金沙識女友，睇住你報名參加藝員訓練班，我哋一齊參加TeenPower選拔賽，你睇住我參加新秀，我哋一齊做舞台劇，我哋一齊出show，我仲記得唱《愛是懷疑》；然後你開電影，你搵我一齊拍，我哋一齊經歷嘅嘢太多啦，所以嚟緊我哋都一齊走落去，好冇先？我知道以後每一次台上嘅演出，你都會喺我身邊。我知道以後每一場戲，你都會同我一齊做，我哋以後就一齊行啦」。