新冠疫苗｜遭未來奶奶再三催逼打疫苗 港女寧願分手：點講都講唔掂

港府已推行新冠疫苗接種計劃數個月，鼓勵盡早接種，但部分市民因自身健康疑慮，仍抱觀望態度。一名港女於網上吐苦水指，未來奶奶因擔心家人染疫，要求她打疫苗，她則表明「未有穩定疫苗出現前唔會打」，惟對方三再催逼，男友又未有幫忙勸阻，令這段感情陷分手邊緣。

該女網民日前（5日）於網上討論區「Dcard」發文，指與男友已達談婚論嫁階段，間中會到對方家中食飯，由於未來老爺最近生病，免疫力較低，未來奶奶擔心她會帶病菌入屋，要求她接種疫苗。事主表明因身體狀況不佳自小打疫苗都會出現副作用，故未有穩定疫苗出現前不會接種，

「發燒個啲係基本，所以打咩針都好小心。」

縱使事主多次重申立場，但未來奶奶仍不斷追問「打咗疫苗未？」令她非常反感。

與男友無法達成共識致冷戰

她本以為男友會體諒其處境，未料男友也向她問道「你真係唔諗住打疫苗咩？」還指自己已為她向母親爭取，不一定要打「科興」，「打復必泰都得」。

事主指原本與男友已到談婚論嫁階段，現時卻因接種疫苗產生分歧，形容「點講都講唔掂」，正陷入冷戰並考慮分手，

「原先諗住講分手，但係最近佢屋企情況唔係咁好，又唔係好想比壓力佢。」

網民：打疫苗唔代表唔會帶病菌回家

帖文引起網民熱議，有人認為未來奶奶要求合理，事主應該保護男友家人；亦有人支持事主做法，「打疫苗嘅自由都無，以後點算」：

（↓點擊放大睇圖片↓）

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】