日日媽媽聲│周家蔚認唔放心洪天明出外工作 發脾氣Block電話 老公竟出絕招？

《日日媽媽聲》先後邀請圈中不少的父母，分享他們照顧孩子的心得，昨晚周家蔚和好友姚樂怡接受主持人余安安、陳凱琳和羅敏莊的訪問，大談她們跟丈夫經常分隔兩地的感受。節目首先播出洪天明離家8個月再回到家中的情況，當時大仔洪大仁直情不敢相信，直至洪天明除下口罩，大仁才激動爆喊去擁抱爸爸，全場主持和嘉賓睇片都睇到「心都碎埋」。

一家團聚︳洪天明離家8個月終於回家 大仔見爸爸 竟然激動自摑【下一頁】

{{hket:inline-image name="197294629_538627190638606_529401787475794451_n.jpg"}}{{/hket:inline-image}}

{{hket:inline-image name="197395964_268247165079610_9012380626230350020_n.jpg"}}{{/hket:inline-image}}

周家蔚直言不斷告知小孩子和自己，「爸爸離家係為家庭著想」。余安安追問她，洪天明離開這麼長時間，會否有另外的「事情」擔心？周家蔚直認不已，「當然有，我講冇你信唔信吖？因為佢應酬多，見嘅人亦好多，成日都要飲酒......」再笑笑口補充，「佢試過同公司同事去拍嘢，最後所有工作人員走晒冇人照顧佢，咁呢方面都會擔心嘅。」

同場的姚樂怡忍不住爆料，指有次在化妝間入面，剛好見洪天明視像致電給周家蔚，沒想到後者審問老公，姚樂怡說：「佢不斷問點解你整咗頭？點解你戴副眼鏡又著到咁樣？點解你喺屋企就咁戴個頭箍就算？點解你出到嚟要著到咁有型？」周家蔚稱曾經「吩咐」丈夫到達工作的酒店後，記得報上酒店名稱和房號，向家人報個平安，「但佢經常唔記得......」羅敏莊插嘴說︰「唔記得定特登唔畀呀？」認真搞笑。

（點擊圖片放大）

06年港姐亞軍│周家蔚清新短髮look美貌逆生長 大曬9年前婚紗靚相被網民大讚【下一頁】

周家蔚直言經常同丈夫講「希望佢多留喺屋企」，寧願一家人開開心心生活，比住靚屋和豪華生活更重要。「天明一返到屋企，佢會搞掂晒全部嘢（家務之類），我知佢外面工作都辛苦，但佢返到嚟都好努力去彌補我之前嘅辛勞。」兩公婆經常分隔兩地，會否因此而爭吵？周家蔚直認不諱，「我有，經常都詐型，試過嬲到Block佢電話，不過佢都慣晒！有次佢竟然喺Family Group......有晒老爺，佢啲弟妹......佢錄音話『周家蔚，你幾時肯Unblock番我？』我真係好尷尬！」

（點擊圖片放大）

周家蔚表示現時兩個兒子上學的時候較長，她學會去公司巡視或者約好姊妹見面來打發時間，希望時間可以充實一點，不要長期依賴丈夫，否則他一離家自己就失去重心。

周家蔚與洪天明拍拖半年就訂婚，2012年拉埋天窗結婚，先後誕下大仔洪大仁及細仔洪竟琋，如今兩個兒子8歲和6歲，個性非常活潑，似足爸爸。

同場加映：好聲好戲│陸惠玲黃昕瑜走到幕前怕觀眾唔接受 「花師奶」雷碧娜坐小巴嗌落車最尷尬

{{hket:ul-video id="2997"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉