決戰鍾培生｜林作母心痛阿仔百萬利誘退賽 搖擺不定想縮沙：我係裙腳仔嗎？

林作與富三代鍾培生3月時正式簽約，將於9月18日上演百萬拳賽《林鍾大戰》，鍾培生賽後會向林作支付表演/出賽費用共港幣一百萬元正。林作而家受訓咗大約3個月，仲喺上個月參加《Energy Fight 2021拳擊業餘賽》作熱身；雖然喺附加賽嘅最終回落敗，但林作揚言唔會影響到出戰信心，會繼續積極備戰。

{{hket:inline-image name="f36d1f21afbb516b8d70984509e57a5e.jpg"}}{{/hket:inline-image}}

二人持續隔空口水戰，大家都開始等得有啲唔耐煩。林作連日嚟不停喺社交平台出post，同大家分享眼部被打瘀嘅傷勢，睇嚟真係幾努力；不過就博唔到網民嘅同情，只係得林作之前公開數落嘅媽媽王莉妮為佢心痛。

林作於IG分享自拍照，照片中看到他左邊眼肚位置有明顯瘀青，留言：「今日將我的打腫眼照片send畀身在內地的媽媽，媽媽馬上打來，要求我退賽。佢話：『我畀100萬你，你唔好打啦。』大家覺得，我應該攞我老母100萬，定攞終賠生（鍾培生）100萬？我係裙腳仔嗎？」

（↓點擊放大睇圖片↓）

網民即刻群起指佢淆底想縮沙，「你係裙腳仔就緊（梗），如果你打都叫做有啲骨氣，唔打就真係冇人睇得起你」，又有人不停「激勵」佢上場：「生命事小，面子事大」，亦有網民恥笑佢選擇性聽媽媽的話，「叫你飛裕美又唔見你咁聽話？」。有心水清嘅網民就指，就算佢媽媽有一百萬都唔夠cover，「你阿媽唔識計數，你唔落場打冇一百萬之餘仲要賠錢，幾大條數。」其實二人當初簽約，其中一項條款係「如林作違反合約包括但不限於無法出席賽事，則鍾培生無需支付上述款項，林作需賠償期間所有宣傳支出。」今次呢條數，真係唔識計喇！

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】