爛鈔票｜哈士奇趁主人熟睡咬爛大疊金牛 港男崩潰：仲畀唔畀換新？【附爛錢換新需知】

銀紙遭寵物咬爛，即使生氣卻又無可奈何，日前一名港男於網上抱怨，指家中哈士奇（西伯利亞雪橇犬）趁他睡覺時竟自行打開櫃桶，將內裡多張千元「金牛」翻出咬爛，事主起身發現感崩塌，既憤怒又無奈，發文求救「啲錢唔知仲畀唔畀換」。

該男網民今日（3日）於連登討論區發文，其上載相片可見，大量一千港元「金牛」散落一地，當中多張鈔票已遭撕碎，目測損失至少$7000。帖文亦附上多張哈士奇的相片，疑為撕爛鈔票的「元兇」。事主無奈表示哈士奇趁他熟睡時「行兇」，又擔心鈔票被損毀沒法換鈔：

「點解平時佢咁蠢會識開櫃檯（桶），瞓瞓吓覺聽到沙沙聲覺得唔對路，一望唔使瞓覺。啲錢唔知仲畀唔畀換。」

↓ 點 擊 圖 片 放 大 ↓ 

網民笑：你之前係咪得罪咗佢

帖文發布後，大批網民笑言事主得罪相中的哈士奇，「你之前係咪得罪咗佢，佢好似未嬲完」、「隻狗個樣好嬲」。不過亦有人質疑事主沒有將錢放好，以致個性百厭的哈士奇有機可乘，因而不應怪罪在牠身上，「係咪未鎖好夾萬」、「點會放咁多錢喺屋企」：

↓ 點 擊 圖 片 放 大 ↓ 

爛鈔票換新關鍵：損毀少於25%

據香港金融管理局資料，只要將爛鈔票拿去發鈔銀行，經銀行驗證是否為真鈔，損毀面積少於四分一，防偽特徵完整，便可以兌換成一張完整的鈔票。金管局又提醒市民，切勿故意撕爛或畫花鈔票，亦不應將兩張不同號碼的鈔票黏在一起變為合成鈔票；由於合成鈔票非法定貨幣，有機會可能觸犯相關法例，建議直接到銀行替換爛鈔票。

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

撰文：林幸琦