鍾培生福臨門請食翅被插唔環保 「一言堂」刪負評：我由細食到大

「富三代」鍾培生2021年成立「培生培心」，希望凝聚正能量，傳遞愛與快樂予各階層，讓社會各界互助互勉，共創更好明天；又希望能夠團結培生培心會員為本土製作團隊、廣東話頻道乃至香港社會各界伸出援手，貢獻自己的力量，為社會帶來正面動力，亦會為會員爭取專屬福利。

{{hket:inline-image name="193844436_348539393362931_6513201209271183055_n.jpg"}}{{/hket:inline-image}}

「培生培心」會員每月付800元，就會獲鍾培生承諾「回凸」的貴重禮物。日前鍾培生發布5月禮物係「請晒培生培心會員福臨門食翅」，影片一出隨即引來網民熱議「食翅唔環保」；又有人認為到福臨門只食一碗魚翅太尷尬，但再點其他食物對普通人來說則太貴，亦有網民指「禮品越來越不知所謂……之後送護膚品、糉、上網睇過完全唔值800元」，質疑「培生培心」搵笨，其實係收錢幫店舖做宣傳。對於網民嘅批評，鍾培生即刻拍片回應。

鍾培生喺片中堅持自己食翅冇問題：「（如果）真係政府出嚟Ban魚翅，我係會第一個帶頭唔食；但喺而家呢一刻，請人食魚翅、鮑參翅肚仲係廣東人覺得尊重嘅一樣嘢。」佢又認為有非會員人士將呢件事無限放大，「留言好多負能量，令到呢個頻道變咗質，咁就唔好意思喇，YouTube係我主場，我將會remove晒一班唔係會員嘅惡意留言。」

（↓點擊放大睇圖片↓）

佢又澄清送出嘅禮物都係真心誠意嘅饋贈：「會員禮物已經排到出年2022年嘅2月，舊年12月同今年嘅1月已經同緊福臨門、Conrad去傾，唔係之後突然轉；同埋呢樣嘢我真係由細食到大，（會員禮物）入面食、用、做嘅嘢全部都係我自己鍾意嘅brand（品牌）嚟。」佢堅持自己初心無變，不過網民就唔多buy，繼續留言狙擊：「你敢話你冇變？你話會去聽會員聲音去咗邊？呢兩個月咁多人反對你有冇理過先？唔啱聽嘅留言就ignore（無視）哂，話你兩句就話係惡意攻擊。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】