鄭中基藐爆港大教授林大慶「疫苗羞恥論」 爆seed鬧：一大堆不負責任嘅廢話

本港新冠疫苗接種率未及兩成，港大公共衞生學院講座教授林大慶日前指本港疫苗供應充足，接種方便，但接種率卻係全世界中近乎最低水平，批評冇為群體免疫作出貢獻嘅香港人，應該要感到羞恥；更直言已接種疫苗人士應該有更多自由，指此舉可以鼓勵更多人接種疫苗。

{{hket:inline-image name="177357630_322680725885989_4528379006096312913_n.jpg"}}{{/hket:inline-image}}

林大慶呢番言論辣㷫一向敢言嘅鄭中基（Ronald），令Ronald忍唔住喺社交平台鬧爆林大慶，直斥佢係講廢話；仲話自己原本打算鬧得更狠，但就俾經理人制止咗:「本來諗住狠狠地X港大教授林大慶一鑊，但得到湘姐（經理人）提醒，唔可以鼓吹X人。」

（↓點擊放大睇圖片↓）

佢改為較平和咁寫一封公開信畀教授，同佢講道理：

「林大慶教授：

你好，請問你在發表「I think Hong Kong people should be ashamed of themselves in not contributing to herd immunity to Hong Kong and to the whole world!」 係點樣得出呢個結論呢？香港人選擇暫時唔打疫苗，係有好多不同原因，有因為身體不適合的，有對疫苗有沒有信心的，有因為政府話賠唔賠的，也有人是家庭的唯一支柱，希望觀察多一陣子的。這些人並不是選擇不打，而是選擇睇定啲，穩陣啲之後才決定。這些人是否要feel ashamed？身體狀況不適合都要感到羞恥？擔心自己和家人健康同生活，都要感到羞恥？作為一個大學教授，講一大堆不負責任嘅廢話，仲要怪責香港人？你嘅理據就係香港有咁多疫苗你哋都唔打，咁係咪即係等於有得食唔食罪大惡極呀？打手你都做唔掂，點做教授？You should be fxxking ashamed of yourself, you’re a real piece of shxx.

完。

市民鄭先生上」

唔少網民都大讚Ronald有型敢言，講出咗一班升斗市民嘅心聲，每字每句都擲地有聲；仲表示好希望佢真人聲演一次放上去自己嘅個人影片channel，聽到都可以洩心頭之忿咁話！

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】