十萬噸情緣︱歐錦棠憶當年拍劇曾有自殺念頭 「個個以為拍呢套劇一定好歎」

深夜時段重播TVB 2002年的劇集《法網伊人》播畢後，即由《十萬噸情緣》接棒。無獨有偶的是，歐錦棠均有份參演這兩齣劇集，而每晚12點55分播完《十萬噸情緣》，凌晨1點的《同事三分親》又見歐錦棠，難怪他說：「晚晚兩套，都咪話唔係嘢。」

{{hket:inline-image name="vsdvsd.jpg"}}{{/hket:inline-image}}

適逢播映《十萬噸情緣》，歐錦棠在社交網分享劇照及當時拍攝的照片，大談趣事，自爆當年浮現了成世人唯一一次想自殺的念頭。

《十萬噸情緣》於2003年播出，歐錦棠表示，好多人以為拍呢齣劇一定好歎，「個個以為可以上超級豪華郵輪橫渡太平洋，去美國實景拍攝，一定好歎。其他人我唔知，我淨係記得，我呢世仔唯一一次想自殺，就係喺呢架郵輪上面，因為我由細到大都係唔坐得船。大家以為一艘十萬噸郵輪，唔係應該好穩定嗎？Oh ,I’m so sorry, 出到公海，話知你航空母艦，一樣拋到炒飛天通菜咁。」

{{hket:inline-image name="dage.png"}}{{/hket:inline-image}}

更指在船上兩星期，沒有一日「可以行一條直路」，亦已經冇嘢可以再嘔。同時指職業病，就算自己暈船浪暈，暈到死死吓、面青口唇白都好，只要攝影師一擺好部機，他就可以若無其事走到去適當位置演戲。

{{hket:inline-image name="186453666_4114652661931205_2072749094909632094_n.jpg"}}{{/hket:inline-image}}

歐錦棠說拍劇辛苦之餘亦有好多趣事，「由於主戲喺船已經拍攝咗大半，上到岸反而有時間四處遊覽，同去一次旅行冇嘢乜分別。」也分享了不少舊照供劇迷及粉絲們回味呢！

{{hket:inline-image name="187265712_4114651935264611_3536509952647543347_n.jpg"}}{{/hket:inline-image}}

舊照中有他與同劇演員張可頤、楊婉儀、陳秀珠的合照，當中有兩張相十分搞笑。其中一張是蔣志光躺臥在草地睡覺，並用帽子蓋住自己的臉，歐錦棠搞笑留言，「此人為蔣志光，佢身邊嘅麵包係我放喺度，我想多啲白鴿陪佢。」

而另一張是歐錦棠與一名女士在泳池邊曬日光浴，該名女士用毛巾蓋頭，防曬遮陽光。歐錦棠大賣關子，「身邊個美女係......」網友紛紛加入競猜行列，有人猜是湯盈盈，有人猜是陳秀珠，開估……原來是當年與他飾演一對的楊婉儀！

（↓點擊圖片放大↓）