好聲好戲｜馮盈盈聲演阿姐情緒過火抽離唔到 遭王祖藍質疑唔適合做娛樂圈

無綫配音比賽《好聲好戲》進入終極之戰，由馮盈盈、張振朗及陳自瑤爭奪「傑出聲演總冠軍」的名銜。昨晚（27日）首個回合開始，各人孖專業配音員出賽，當中盈盈和「Keroro」陸惠玲拍檔聲演《巴不得媽媽》的汪明荃和小演員，可是盈盈表現太過Over，後段喊到有點失控，過分投入角色，結果只獲得4綠2紅分數；不單止分數落後其他人，更被主席評判之一的王祖藍狠評：「我好擔心你適唔適合做呢一行？一段咁嘅戲，你嘅情緒可以拖大到咁樣，你點演戲？」令她奪冠機會大減。

{{hket:inline-image name="05282008.jpg"}}{{/hket:inline-image}}

{{hket:inline-image name="05282010.jpg"}}{{/hket:inline-image}}

好聲好戲｜馮盈盈爆冷贏「傻姑」首名出線 「今天的我打倒2018年的我」【下一頁】

馮盈盈和陸惠玲昨晚拍檔聲演《巴不得媽媽》的苦情戲，劇情講述汪明荃大罵小演員害死自己女兒，相當慘情；盈盈聲演時太過投入，中段自己亦喊埋一份，結果影響了分數。對於自己的表演，盈盈說：「麻麻哋，有個好嘅位係有『碌玲姐』（陸惠玲）配合，情緒比排練時嘅感覺強烈啲。」

{{hket:inline-image name="05282013.jpg"}}{{/hket:inline-image}}

{{hket:inline-image name="05282009.jpg"}}{{/hket:inline-image}}

評判王祖藍就皺晒眉頭話佢：「我好擔心你適唔適合做呢一行？我據聞你由朝頭早喊到而家。一段咁嘅戲，你嘅情緒可以拖大到咁樣，你點演戲？投入係好事，但係抽離唔到亦係一個好大問題。我覺得你嘅壓力蓋過咗你嘅實力，你嘅壓力大到連我都有壓力，我直情覺得我做呢個節目都係唔啱。」在旁阿姐認為盈盈感情好豐富，但可能有些地方用錯，不過因過往回合做得好好，最後都給予綠燈分數；盈盈聽到喊晒講：「最緊要阿姐畀綠燈我。」

好聲好戲｜馮盈盈自爆緊張到嚟M嚟足3星期 「爆騷女王」勁忙自費學改懶音【下一頁】

馮盈盈在IG上載評判給自己評語的足本片段，並留言：「多謝各位專業評審今晚（即27日）給我的評語，特別多謝祖藍對我的一番感言，我知道自己因為這個比賽而情緒壓力太大。為了入戲，逼自己由早上排練開始進入情緒，以真感情、真眼淚練習，太過鑽牛角尖，令壓力影響了實力。多謝祖藍，如佢所講『這個紅燈係因為想我減少壓力』，因為這些壓力都是自己給自己的，我要學習欣賞自己、愛自己，嘗試放鬆，享受過程。多謝這個舞台，多謝《好聲好戲》！」

（↓點擊放大睇圖片↓）

餘下兩位參賽者就獲得全綠燈滿分，當中張振朗孖曹啟謙聲演《鐵馬尋橋》的林嘉華及鄭嘉穎；陳自瑤孖何璐怡聲演《溏心風暴之家好月圓》的米雪及鍾嘉欣。陳自瑤完成後勁認真話自己演出爭啲，覺得口形不是夾得好準。阿姐就大讚：「我覺得陳自瑤有好多發揮地方，其實TVB應該同佢開套戲。」主持人阮兆祥提議二人合演，即時引得全場拍手和議。

節目最後預告了今晚（28日）第二回合是三人混戰，一齊為粵語片配音分出勝負。王祖藍表示評分要從他們的瑕疵著手，而阿姐認為若果他們清楚劇本內容，相信出來效果會更好。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】