舊夢不須記｜舊愛玻璃朱出位P圖P出新境界 黃宗澤無辜中槍被翻情史嘲「雜食」

藝人「玻璃朱」朱庭萱日前上港台《視點31》舌戰資深傳媒人盧覓雪，討論「娛樂為甚麼？」不過大家都離晒題，將focus放咗喺玻璃朱P圖P到易容級別嘅相片。當大家見到玻璃朱上節目嘅真身時，都大嗌唔認得，P圖技術認真神乎奇技。

{{hket:inline-image name="187465987_331726841643761_1188438552667919933_n.jpg"}}{{/hket:inline-image}}

玻璃朱除咗藝人身分外，仲有一個title叫「黃宗澤前女友」。當年佢主動於網誌自爆曾經同黃宗澤（Bosco）拍拖五個月，話被對方傷得好深，試過自閉3個月；又稱Bosco沒交帶，自己嫌男方未能給予她安全感。她又自爆當年Bosco因嫌她煩，最終分手收場。日前Bosco出席活動時，被問起舊愛玻璃朱時即煞有介事：「嘩！呢啲唔提啦！冇咩聯絡喇。」吳卓羲解圍：「唔好搞呢啲嘢。」實行劃清界線！

亦因為玻璃朱近日出晒位，令網民好奇翻Bosco情史，一睇之下發現現年40歲嘅Bosco一直以嚟桃花都好旺，多年嚟不停換畫，仲有舖「姐姐控」。除咗最多人記得嘅胡杏兒之外，仲有好多睇落大纜扯唔埋嘅女性，個個都獨當一面。有網民除咗欽敬Bosco識女仔嘅能力之外，仲發現佢非常「雜食」！

（↓點擊放大睇圖片↓）

甄詠珊

前組合Freeze成員甄詠珊於2006年參選亞姐時，自爆入行前曾與黃宗澤拍拖；2013年甄詠珊更在錄影《亞姐百人》時，公開多謝黃宗澤當時承認與她的一段情：「嗰時好直接咁答曾經同佢拍拖， 多謝佢都承認呢段關係。」

胡杏兒

2004年黃宗澤與胡杏兒拍劇集《我的野蠻奶奶》傳緋聞，其後被拍得同遊沖繩預支蜜月，戀情浮面；杏兒在《萬千星輝頒獎典禮2011》奪視后時， 更發表「愛的宣言」，惟兩人於2012年宣布分手。

楊崢

黃宗澤2014年被爆戀上比自己年長9歲的名模楊崢，譜出姊弟戀，兩人被目睹於西貢手牽手逛街及餵食曲奇令戀情曝光，其後更甜笑直認拍拖；惟戀情來去匆匆，不夠三個月就無疾而終。

柳岩

2012年，Bosco在上海與34E內地女星柳岩合拍內地劇《麵包樹上的女人》時傳出緋聞，二人期間曾拍攝多場親密接吻戲，當時更有指兩人拍完劇後相約蒲天光。

戴凱欣

有意進軍飲食業的黃宗澤於2014年，與四洲太子女戴凱欣合資在九龍城開糖水舖「笑甜甜」，因而傳出撻着；但後來有指太子女戀上金融才俊新歡後即撤資，糖水舖最終不夠一年結業。

陳嘉桓

2018年與細十二年的陳嘉桓合演邵氏網劇《守護神之保險調查》時開始暗交，即使被多次影到前後腳返回男方寓所過夜都冇認拍拖，強調二人係「兄妹」關係。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】