外傭姐姐｜外傭朝7晚8每晚準時收工 港媽埋怨：講過8點後都要候命！【拆解外傭工時】

不少在職父母均會聘請外傭照顧子女，惟有港媽發文抱怨，指家中外傭每晚8時便會「自動收工」入房玩手機，令她放工回家後仍要照顧小孩，因此感到心力交瘁，並指早已向外傭說明晚上8時後仍要候命，對方卻不以為然，為此深感苦惱。

一名女網民周日（23日）在網上討論區「親子王國」中發帖，表示家中30多歲外傭姐姐每天早上7時半起床，主要負責照顧5歲少主，中間有3次休息時間，不用外出買餸，每晚準時8時收工，然後便會回房間玩電話。事主對此埋怨：

「我同佢（外傭）講過好多次，晚上8點之後係Stand by（隨時候命），不是完全收工，佢都冇改善，我可以點？我放工返屋企仲要自己照顧小朋友到（晚上）10點，好累。」

冷氣慳電｜炎夏逾30°C外傭獨自在家涼冷氣，女僱主不滿公審：我都只開風扇！【附5招慳電大法】，詳情即睇：【下一頁】

外傭每晚「趕收工」僱主苦惱

事主明言，她在外傭「入屋」前已跟對方講清楚，亦已為其安排好各項工作，但外傭依舊每晚8時就會自動「收工」，令她大為苦惱：

「佢（外傭）自己洗完碗8點已經入房搽Cream，每次叫佢出嚟，做少少嘢已經趕唔切（要）入房，次次都趕住收工咁，我都無癮，佢心已經收咗工了，趕入房玩電話。」

她訴說每日放工後仍十分忙碌，形容「返到屋企又要開始Mama duty（媽媽任務）」，故曾打算將外傭辭退另聘一人，惟多名中介公司職員均表示「而家好難請人」，令她進退兩難。

網民斥「博炒」：規矩唔係畀佢定

有網民認為事主外傭的做法過分如同「博炒」，建議事主跟對方講清楚規矩，亦有網民分享自己跟家中外傭的相處之道：

↓ 點 擊 圖 片 放 大 ↓

不過也有網民表示，既然外傭已完成指派工作，留在房中等候指令亦是正常不過，著事主不要要求太高：

↓ 點 擊 圖 片 放 大 ↓

7成外傭日做逾13小時 

現時本港《僱傭條例》只對休息日、法定假日及有薪年假作出規定，但未有訂明外傭每天的工作時數，亦沒有法定加班費規例。中大社會工作學系的研究中心早前曾以問卷訪問約2,000名外傭，發現逾7成外傭每天工作超過13小時，其中近1成人日做16小時。此外，近6成受訪外傭表示沒有年假，3成4人稱休息日仍要工作，亦有逾2成人稱未有獲得全部法定假期，研究團隊認為應研究立法制訂標準工時。

勞工處建議製工作時間表

勞工處建議，僱主可多與外傭溝通，讓他們明白僱主對其工作的要求和家庭需要。同時，僱主可按家庭需要為外傭訂立家務工作的優次，並製作工作時間表，確保外傭有充足的時間處理家務工作，並有足夠的休息時間。若外傭需要晚間工作，僱主應讓其日間有足夠的休息時間。

親如家人｜菲傭工作30年見證少主結婚誕孖女，明年退休僱主：遇到佢係福氣，詳情即睇：【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

撰文：蘇麗儀