袁偉豪打疫苗呼籲粉絲接種清零 唔跟兄弟楊明打科興背後有原因

香港冠狀病毒病疫苗接種計劃展開至今，截至5月24日，政府已為市民接種逾217萬劑，約127萬人已接種第一劑疫苗，超過89萬人已接種第二劑疫苗，反應未算太熱烈，不過有唔少藝人已經打齊兩針。

{{hket:inline-image name="19416d8aa9acea4d83d6d4f2dfe970a2saasftp20200221.jpg"}}{{/hket:inline-image}}

袁偉豪凌晨於IG上載手臂貼膠布及一張接種疫苗（復必泰）紀錄卡嘅相，藉此呼籲大家打針，「好好建立我們的生活，目標就是清零。」同時表示︰「已經完成兩針了，為了自己，家人和大家的健康，大家快啲去接觸（種）疫苗，為了未來，這一步大家要攜手向前。」唔少網民表示支持：「豪仔，加油！健康平安。」、「多喝水」、「注意體溫」。而袁偉豪透露自己暫時未有感到不適。

（點擊圖片放大）

藝人楊明喺上個月都打咗兩劑科興疫苗，喺IG自豪說︰「完成第二針，感覺良好，女（指莊思明），只要我哋呢群經常外出工作嘅人減少感染機率，咁傳染畀小朋友同老人家嘅機率亦會大大減低，大家加油。」袁偉豪、楊明同撈同煲，不過對疫苗嘅選擇就唔同，有網友留言問袁偉豪點解唔打科興，佢就回應：「都要按照自己的身體狀況去選擇。」非常理性呀！

相關新聞：新冠疫苗︳袁國勇5大理由接種復必泰疫苗 拆解兩種疫苗適合哪類人︳科興vs復必泰【下一頁】