時裝達人丨楊千嬅藍精靈造型潮到睇唔明 特別設計粉絲擔心：會唔會戟親？

娛樂圈一向都有唔少潮男潮女，不過潮呢樣嘢有時好主觀，如果潮到過咗頭，好易畫虎不成反類犬。現年47歲嘅樂壇天后兼潮流達人楊千嬅向來對fashion有一套獨到見解，日前佢就着上咗一身全藍色oversize西裝，加上藍色尖頭鞋，引起大家熱烈討論。

{{hket:inline-image name="104688613_146460110350958_5791468967779906313_n.jpg"}}{{/hket:inline-image}}

楊千嬅似乎好滿意呢日嘅造型，喺自己IG咁講︰「Happy Working Day」同大家分享佢嘅ootd （outfit of the day），粉絲自然大讚「藍精靈」上身嘅千嬅潮味濃，因為佢平時好少着咁sharp嘅藍色，今次carry得好好！同時有人嫌褲腳超級長，oversize到「離晒譜」，長到再楔番入鞋底！擔心佢愛靚懶理安危，留言慰問「會唔會自己踩到自己？」、「條褲會唔會好容易踩到戟親自己㗎？」、「褲子太長了吧！條褲咁長小心啲行」等等。

千嬅一向對潮流有特別觸覺，要數佢最經典嘅造型莫過於2013年年尾出席倒數活動時所着過嘅一襲「安格斯肥牛look」長裙；以肥牛色長裙搭上肉色腰粗帶突出腰形，令大家嘖嘖稱奇並大讚呢個「火鍋必備」look真係好「行為藝術」，意境好高！潮流呢家嘢，平凡人真係識碌蔗！冇咩小編都係出返去刨多幾本fashion magazine惡補一下嘞！