工作環境｜到觀塘舊工廈面試嫌環境差 港女大呼接受唔到：好舊好臭好肉酸

本港經濟受新冠肺炎疫情重挫，不少打工仔失業後都一工難求。一名港女在網上發帖，指自己日前到觀塘一棟舊式工業大廈見工，但到埗後卻被工廈環境嚇怕，大呼「接受唔到」，更形容「好舊好臭好肉酸」。最終，即使該公司有意相約「Final in」（最後面試），事主也直接拒絕。

該名港女上周二（18日）在「香港討論區」以「接受唔到喺工業大廈返工 好舊好臭好肉酸」為題發帖，指自己近日去一間位於觀塘工廠大廈內的公司見工，惟到埗後，卻發現工廈環境惡劣，

「部Lift（升降機）仲要係自己開閘關閘個啲，上到去啲走廊迷宮咁，指示又唔清晰，灰灰暗暗，有陣好霉好臭嘅味。」

{{hket:inline-image name="o240520211.png"}}{{/hket:inline-image}}

她續指，雖然該公司辦公室的裝修不算舊，但始終感到很侷促，「窗口又對住啲樓，感覺真係好差」；如果一旦要加班，「夜晚去廁所一定唔敢出去痾」。而且，她又擔心隨時會「撞鬼」，

「加上呢啲工業大廈就一定好猛鬼好多傳聞，我真係接受唔到喺啲咁舊嘅工業大廈返工。」

事主又指，自己以前曾在甲級寫字樓工作，「office（辦公室）落地玻璃對海，廁所乾淨，環境新淨光猛，OT（加班）都O得過，gur（服氣）啲。」最後，她表示已拒絕該公司的最後面試機會：

「就算佢打嚟叫我Final in（最後面試），我都reject（拒絕）咗。」

此事引來網民熱議，不少人認為事主過於揀擇，在現時經濟環境來說，有工做已經好好，而且亦好應該衡量自己有多少「揀工做」的能力。不過，亦有網民認為工廈環境實在是差，打工仔對工作環境有要求亦屬正常：

（↓點擊圖片放大↓）

月薪$9000請文員工作5.5日，網民勞工處發現「荀工」嘆：人工回到20至30年前，詳情即睇：【下一頁】

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

每朝索取《晴報》：精明生活．健康家庭．開心娛樂

責任編輯︰李凱晴