余香凝誕6.5磅B女Clare榮升媽咪 「這世界沒有東西比妳更重要」

27歲的演員余香凝（Jennifer）今日在社交平台公布喜訊，BB女已經順利出世，認真恭喜賀喜。Jennifer上載一家三口的手指合照，B女的小手捉實父母，非常甜蜜，她寫上：「Welcome home baby Clare！別人說小孩子不能讚，會讚壞，但容許我在這裡讚一讚，要讚讚寶寶最後體重6.5磅，沒有浪費媽媽狂食長胎食物而胖了好多的心血；再讚讚，寶寶非常配合，兩母女合作無間，在大家的努力下，剖腹產第三天就上奶了，可以喂母乳喂到飽；也都要讚讚爸爸一直在身邊陪著媽媽、服侍媽媽，雙眼袋都出來了。」

余香凝超級巨肚VS湯怡佗B曬腰 Patrick Sir老婆產前喪食有事公布【下一頁】

{{hket:inline-image name="189899903_328941525259354_1296050970254127939_n.jpg"}}{{/hket:inline-image}}

榮升媽媽的Jennifer體會到母女之情，相當有感受，「寶寶，以後只要妳健康開心媽媽就滿足了，這世界沒有東西比妳更重要，愛妳。」Jennifer的好友鄧麗欣、張繼聰、劉溫馨、雨僑、蔡穎恩、陳詩欣等都有留言恭賀。

Jennifer向傳媒發放語音訊息分享喜悅，她表示：「好開心BB好健康咁出咗世喇！之前一直擔心佢嘅體重，兩個星期前最後產檢都係只得5磅半，但出世時有6磅半，所以自己係好開心！一路以來食咁多長胎食物都冇白費到，BB女似足爸爸一個餅印，好靚，有眼眉毛；一直擔心BB女似我冇乜眼眉毛，我比較少，結果似爸爸有眼眉，而且對眼好大，好可愛。」呢位媽媽竟然唔想女兒似自己，認真搞笑！

【未認奉子成婚】27歲余香凝著裙褂甜蜜出嫁 與圈外老公戴住口罩照樣錫錫【下一頁】

Jennifer續言：「BB好乖，住醫院咁多日，佢都好配合媽媽，快啲有母乳；喺醫院唔係瞓得好多，每三個鐘起身一次，同佢一齊努力嘗試，好快好快就成功咗！佢又冇亂咁喊，淨係肚餓先會喊，好乖。好多老人家話唔好讚壞，但要嘉許一下佢。心情有咩唔同呢？我終於明白咩叫心肝寶貝，當佢一喊，你自己就會好擔心，有一次喊，我跟住喊，好怕佢唔舒服，朋友叫我『放鬆啲啦，有排你擔心！』係呀，我都感受到成世都要擔心嘅感覺，明白媽媽以前點解咁長氣，真係要好好愛錫媽媽。」

舊愛陳家樂對於余香凝生B，他表示:「啱啱睇到朋友send 出嚟，恭喜佢! 希望佢開心，(送上祝福?) 未，出席活動中途聽到，暫時唔打搞佢，各自有生活。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉