中年危機｜事業不如意沒朋友家中可有可無 50多歲人夫嘆冇目標 「成日諗係咪得返十年八年命」

不少人都會出現「中年危機」，做事失去目標及動力。一名人夫在網上訴苦，指自己已50多歲，但事業不如意、在家中可有可無；亦沒有朋友可以傾訴，覺得人生已無任何目標，甚至慨嘆：「成日諗自己係咪得返十年八年玩！」

該名人夫周日（16日）在「香港討論區」以「其實年過半百，仲有乜野（嘢）目標」為題發帖，指自己已50有多，覺得「人生好似冇乜目標想完成」，

「事業不稱心，屋企人水電煤問題佢哋都可以自己解決，有冤屈事原來冇朋友可以講，覺得自己可有可無咁。」

他指出，覺得自己興趣不多、「冇樣嘢叻」，現時心態上是甚麼也不想做，「除返工放工要出街，喺屋企都唔想郁，百無聊賴，好似一做多嘢就會做錯嘢」；如果辭工，預料自己會有更多時間「喺屋企發吽哣」。

他又想起結婚前獨居的快樂時光，「以前未結婚一個人住時，有打吓機，養過貓貓，睇吓通宵直播足球，唱吓K，租吓LD（鐳射影碟）睇」；但現時睡房並沒位置放電視機，因此不能打機、看影碟及唱K，

「早兩日食飯時講笑話養返貓，全屋人冇反應，已打消呢個念頭。」

更甚者，由於近日有不少藝人病逝，令事主不禁感同身受，

「見呢排好多藝人都係50幾、60幾就走咗，成日諗自己係咪得返10年、8年玩？」

此事引來網民熱議，不少人著事主不宜鑽牛角尖，應調整心態，尋找新興趣及目標，珍惜擁有的時間及人生：

（↓點擊圖片放大↓）

精神科醫生：中年危機可致抑鬱

據醫管局數據顯示，本港現有逾30萬人患抑鬱症。精神科專科醫生傅子健早前受訪時指出，不少人會將抑鬱症等同不開心，其實這只是其中一個症狀；抑鬱症需符合某些特定條件，如心理及生理的改變，例如持續一個月感不開心、對有興趣的事物突然變得不感興趣、經常感疲累、有暴食或厭食傾向，致體重短期內急升或暴瘦、任何形式的失眠等。

他續指，發病年齡包括人生不同關口，由剛畢業至中年危機、及長者也屬患病高危期，

「年老會面臨空巢症困擾，即子女結婚離家後，只剩長者一人而感寂寞。」

他表示，心理治療方面包括「認知行為治療法」及「人際關係治療法」，替患者分析其對事物的價值觀或分析思想盲點，從而扭轉負面思想，建立健康生活模式及改善溝通能力。若情況沒改善，如出現自殺念頭或喪失工作能力，醫生或會進行藥物治療，包括處方抗抑鬱藥，如血清素類、去甲腎上腺素等，常見副作用為作嘔作悶、腸胃不適、口乾及冒汗。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

每朝索取《晴報》：精明生活．健康家庭．開心娛樂

責任編輯：李凱晴