老公的坐月日誌│宋熙年餵人奶獲老公打氣變施壓 陳智燊回憶幫太太洗奶泵落淚

陳智燊（Jason）和宋熙年（Sarah）近年在YouTube頻道大談夫妻之日常，講吓湊仔經。兩人結婚6載，育有2歲的大仔陳裕炘（Damon）和8個月大的細仔陳昆佑（Jamie）；講到產後調理經驗，Sarah當然有不少心得，老公Jason同樣「有嘢講」，以老公、爸爸角色分享陪太太坐月的體驗。

{{hket:inline-image name="31.jpg"}}{{/hket:inline-image}}

老公兼爸爸陳智燊講陪太太「坐月」經驗。（網上截圖）

{{hket:inline-image name="32.jpg"}}{{/hket:inline-image}}

陳智燊為陪太太食坐月餐，連壽司、漢煲飽、咖啡都忍口不吃。（網上截圖）

單從飲食方面，Jason就會同太太食「坐月二人套餐」，「如果我食壽司、漢堡飽、牛扒咁……Sarah冇得食好慘，所以作為另一半嘅我要支持佢，老婆食乜嘢我食乜嘢！」但女方踢爆老公到後期已經放棄，「佢怕肥唔敢食太多飯，同埋啲補湯佢都冇飲……但你睇佢（Jason）坐完月幾咁精神，狀態返晒嚟！」唔知係指邊方面嘅狀態呢？

{{hket:inline-image name="47.jpg"}}{{/hket:inline-image}}

夫妻花不少心力在小兄弟身上。（宋熙年IG）

【餵母乳冇覺好瞓】宋熙年細仔出世兩公婆踢晒腳 讚陳智燊「神隊友」:冇佢真係唔掂 【下一頁】

提到餵哺人奶，Jason竟自稱強項，所指是在身邊為太太落力打氣，「多啲奶……多啲奶……」一臉無奈的Sarah指這樣的「打氣」是好心做壞事，「千祈唔好咁做！你畀咗我無形嘅壓力……同埋嘈音！」Jason認為能否順利餵人奶，BB都是「關鍵因素」，「可能BB吸嘅力度唔夠，或者佢搵唔啱位，而影響到流量。」建議可觀察BB吸奶時的嘴形。

（↓點擊放大睇圖片↓）

Sarah直言餵哺母乳時，老公減少參與為妙，更盡數壞處，「真係唔好喺到打氣！唔好問阿仔飲咗幾多！唔好問泵咗幾多奶！（餵哺母乳）係一件幾大壓力嘅事，你嘅好心真係多咗……」若然老公想表現貼心之舉，她就有以下提議，「不妨喺老婆凌晨起身泵奶嘅時候，老公都一齊起身啦！每次泵奶都陪住一定好感動。」

當然，Jason未必每次都能陪伴左右，但至少每晚睡前都會把奶泵清洗乾淨，亦會將泵出來的奶保存放好；回想這些日子，他竟在鏡頭前眼泛淚光！Sarah笑老公道︰「你喺呢度谷眼淚？點解係你喊，唔係我喊？」Jason拿紙巾拭淚，笑言自己「好戲」到可以攞奧斯卡。最後Sarah認真稱讚「神隊友」的冧招，「佢有幫我洗頭，又幫我按腳同按肩，係好貼心！正所謂happy wife, happy life係冇錯嘅。」 

（↓點擊放大睇圖片↓）

撰文：衛紫敏

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

伙記辦大事│賴慰玲出庭被重提遭迷姦往事 遇上陰謀代言人 喊出不同層次 【下一頁】