林子善唐詩詠開「鐵馬家族」生日會 爆馬國明未帶湯洛雯「見家長」

無綫劇集《鐵馬尋橋》成就鄭嘉穎、馬國明、唐詩詠（Natalie）、林子善、黃嘉樂成為好友，幾個人仲組成「鐵馬家族」，情同親兄弟姊妹！「鐵馬家族」大時大節都會約埋一齊慶祝，日前為補祝Natalie同子善生日，大家拉大隊去嘉穎屋企開生日P，非常熱鬧，而原來搞得成呢個Party背後仲有一個大功臣。

{{hket:inline-image name="184917556_514621329546161_94484837536442134_n.jpg"}}{{/hket:inline-image}}

Natalie喺社交平台分享佢哋嘅開P相，留言：「已經第三年一起過，感恩沿途有你們，結論係有事記住搵大嫂，一定幫到你！」原來呢次Party係多得「大嫂」陳凱琳悉心為佢哋安排，真係愛屋及烏，非常賢淑！

不過呢張相似乎爭咁啲嘢，到底搞手大嫂陳凱琳、馬國明去咗邊！子善喺IG一一為大家解答，仲爆原來馬國明仲未帶拍拖近一年嘅湯洛雯「見家長」！「多謝大哥又請食飯！幫我同妹補足生日！時間總係覺得唔夠……真想玩耐啲但唔得……因為要返去湊乖乖！唔使問大嫂（陳凱琳）喺邊佢係揸機人！唔使問二哥（馬國明）喺邊……佢隔離中！唔使問二嫂（湯洛雯）喺邊大家期待中……」子善話呢張相其實係齊人嘅！有網民就催促馬明快啲真真正正畀個「名份」湯洛雯！