歐國杯｜新功能邀朋友視像「邊傾邊睇」 Now TV獨家播歐洲國家杯

2020年歐洲國家杯因新冠疫情延至今年6月12日揭幕，Now TV今舉行發布會，公布將獨家直播51場賽事，見證24隊競逐冠軍殊榮的過程。其中6場賽事將在ViuTV免費播放，包括揭幕戰及決賽。

今屆因疫情關係，球迷未必可與朋友開派對睇波，Now TV為此新增「一齊睇」功能，已買通行證的用戶可透過「Now隨身睇」（Now Player）流動應用程式或網頁版，最多邀請3位持通行證的朋友共同睇波及大談波經。

ERROR講波 MIRROR主持節目

Now TV還為賽事特別加設第3聲道，由強尼配搭大熱男子組合ERROR講波；至於男子天團MIRROR則是賽事大使，主持兼參與節目《EURO鬥Goal Fun》，令球迷有更與別不同的睇波體驗。
 
電訊盈科媒體收費電視業務總裁蔡煒健表示，歐國杯踏入60周年，更有4支2018年世界杯的4強國家隊參與，加上賽會容許各主辦城市有現場觀眾，相信氣氛更加熾熱。蔡又指，與MIRROR及ERROR合作是希望將歐國杯在香港變成更大的盛事，希望可以透過今次合作吸引更多年輕觀眾及女球迷。

香港足球｜首位華人獲選 缺足球履歷 商界譚秋朗任足總新CEO，詳情即睇：【下一頁】

撰文︰吳浩南
責任編輯：梁顯庭