好聲好戲｜謝嘉怡靠拼音死記苦練廣東話 急速對白無人明 花輪同學喪笑

應屆港姐冠軍謝嘉怡參加無綫配音比賽《好聲好戲》，作為第二組的參賽者，昨晚（12日）她就自選聲演《公主嫁到》佘詩曼其中一幕機關槍式對白，可是評判們都聽不明白她講甚麼，當中鼎爺（李家鼎）可謂扯白旗投降，聲言不知如何畀分；而「花輪同學」梁偉德全程喪笑，但最終都有撳綠燈以示支持。

{{hket:inline-image name="05132102.jpg"}}{{/hket:inline-image}}

{{hket:inline-image name="05132117.jpg"}}{{/hket:inline-image}}

好聲好戲｜黃翠如舔自己成功獲鼎爺讚夠姣 謝嘉怡聲演司棋姐唔多掂似女傭【下一頁】

謝嘉怡完成自選片段後，獲全場拍手鼓勵，可是評分方面就考起一眾評判。鼎爺聲稱很難畀分，因為雖然咬字不清，但她沒有甩嘴；「旁聽生」黃庭鋒承認謝嘉怡一開口時已經好想笑；朱敏瀚就話自己好叻仔，成功聽到三句對白。評判之一的「花輪同學」梁偉德被主持人阮兆祥踢爆他全程喪笑，他說：「好似鼎爺咁講，真係冇佢符，睇住佢開口，跟住尾口（形）又食得到先好嘢。」鼎爺再補充話謝嘉怡選港姐時仍要旁人翻譯，現在見她廣東話進步了好多。阮兆祥再爆謝嘉怡用全拼音，死記對白去配音，笑封她的手稿為「Lisa密碼」。

謝嘉怡即時解說事前如何做準備，「我聽完片後，再不停再去睇。（當作歌詞去背？）係，練咗好多個鐘頭。（為何揀如何難配的片段？）因為呢段要講好多嘢，同埋我想挑戰自己，試吓做唔做到，因為唔push（催逼）自己，可能會慢慢跌落嚟，我想每次出嚟時做得好啲。（不懂時如何處理？）打電話畀我姑媽，搵佢幫我翻譯。有時有啲字真係唔識，唔小心讀（錯）出嚟，佢話我講粗口，我話吓，有咩？我真係唔知，因為唔識廣東話粗口。佢叫我一定要小心啲，所以我練咗好多個鐘。」

愛回家｜謝嘉怡靜雞雞飛蘇格蘭過母親節 媽媽收驚喜天然呆攬足25秒唔放【下一頁】

謝嘉怡於《好聲好戲》的演出，其實是較早前的錄影，她不久前已飛返蘇格蘭過母親節，做乖女為媽媽送上驚喜。她亦有更新IG，上載她跟父母的合照，心情好輕鬆。

此外，同場黃翠如就揀《皆大歡喜》苑瓊丹的演出片段作賽，獲評判一致撳綠燈，令她大感意外，當場眼濕濕。鼎爺說：「佢唔好做演員，做配音好過，佢做演員麻麻哋！」阿姐亦讚翠如表現好放，不過就自認畀分有些手鬆。翠如感觸說：「因為我成日被人抨擊我把聲，即係我演戲以嚟……我成日以為你（想）畀我演個啞嘅角色就算，所以多謝多謝！」

（↓點擊放大睇圖片↓）

鄧智堅就配《大時代》劉松仁跪求老闆給機會的片段，可惜他有點緊張而過火，有點失準，分數只得5綠2紅，暫時落後於翠如。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】