MIRROR人氣爆燈︳Edan做母校港大官網生招牌 胞妹愛兄心切無暇睇11位靚仔

男團MIRROR人氣度爆燈，成員之一的呂爵安（Edan）更被封隊中「三高男神」（其實點止呢？），靚仔、高學歷有才華，唱得跳得，又會彈鋼琴和拉小提琴。當年Edan在DSE考獲5科25分佳績，成功入讀香港大學修讀工商管理學（資訊系統）學士，就連港大都要借助其人氣於官方網頁內招生！

{{hket:inline-image name="20.jpg"}}{{/hket:inline-image}}

Edan呂爵安有學歷又高顏值，形象健康，難怪受不少廣告商歡迎。（圖片：Edan IG）

{{hket:inline-image name="01.jpg"}}{{/hket:inline-image}}

Edan在港大工商管理學（資訊系統）學士畢業，港大官網都用佢個樣招生。（圖片：港大經管學院網頁截圖）

尾場淚灑九展｜MIRROR承諾進軍紅館開演唱會 姜濤期待拍處男作與毛舜筠演母子 【下一頁】

據知這是Edan在4年前讀港大時為BBA（Acc & Fin）學系拍攝的宣傳照，見他穿上牛仔恤衫，頸上掛著白色耳筒及孭背包，相當文青Look咁出現喺港大官網當眼位置。網民大讚當年找Edan拍攝宣傳照的人很有眼光。而MIRROR當中姜濤的代言廣告屬海量級數，Edan亦不遜色，最近亦為豐澤擔任代言人，有新廣告片推出。

Edan向來是「妹控」，很痛錫比自己細8年的妹妹「小如豬」。16歲的「小如豬」是中學生，眼大大，同哥哥「撞樣」。在Edan心目中永遠都是「小妹妹」要愛護愛鍚，他不時在IG上分享兄妹照，表示要「黐實」妹妹，令不少「爵屎」（Edan對fans的稱謂）又羡慕又妒忌。

（↓點擊放大睇圖片↓）

「小如豬」當然有去捧哥哥場，兩度去看MIRROR演唱會，更在IG分享完騷後到後台成功集郵的相片，發長文講擔心哥哥，擔心他超緊張而影響表現，「之前呢個傻仔（Edan）練歌，仲以為唱得吃力係因為自己唱唔到而唔開心，扁嘴話『點算啊！我唱唔到啊』， 原來係聲帶有事！而家呢幾場就算唔舒服佢都越唱越好！真係要多啲多啲休息！瘦咗好多， 搞到我望落更肥！」

Edan妹妹亦明白不少網民follow她的IG，旨在想多了解哥哥，她覺得若然能夠多一個地方給大家關注哥哥的生活點滴，亦好樂意分享；說到底「小如豬」都是「哥控」，自爆在後台拍照時只顧和哥哥傾偈，忘了MIRROR其他11位靚仔成員而感到很失策。

（↓點擊放大睇圖片↓）

撰文：衛紫敏

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

鍾欣潼前夫爆已辦妥離婚手續 賴弘國：慶幸沒買豪宅送她 【下一頁】