2021香港小姐競選招募丨曾志偉重揸選美大旗不為搵藝人 打臉舊年余詠珊「逆市筍工」招徠

無綫一年一度的選美盛事《2021香港小姐競選》將於9月舉行，今日於將軍澳電視城以「WE MISS HONG KONG」為招募主題舉行全球招募記招。無綫副總經理曾志偉聯同慧妍雅集代表包括曹敏莉、楊思琦、李潔瑩等，以及馮盈盈、劉佩玥、黃嘉雯、何依婷等齊齊啟動招募儀式。

{{hket:inline-image name="5395c8fcdd181b47cc9814f0644257b0.jpg"}}{{/hket:inline-image}}

前任無線助理總經理、上年香港小姐競選嘅統籌經理余詠珊喺搞《2020香港小姐競選》就以「逆市筍工」作招徠，佳麗有機會可以享有4大重點「福利」，包括「假期自定」、「容易識朋友」、「可以周圍飛」，以及「有機會年薪過千萬」，又指歷屆港姐當中有不少成功人士，可以成為視后、影后，甚至商界的成功人士。其餘的入職待遇還包括「返工唔使打卡」、「好多人服侍你」、「個個想識你」、「好多人送嘢畀你」、「唔使困喺Office」、「一份工作N種體驗」等。

不過曾志偉被問到今年「港姐大計」時，就狠狠咁打咗余詠珊一巴：「今年港姐會有番準決賽、決賽，決賽希望首選喺紅館舉行，睇吓有冇期，最重要係將港姐嘅口號『美貌與智慧並重』攞番出嚟，今年會搵『慧妍雅集』擔任顧問做1對1嘅導師，希望將港姐代表親善大使、服務社會嘅形象展現番出嚟，並唔係只係為咗入娛樂圈。」似乎係諷刺近年港姐競選冇咗「初心」。曾志偉而曾擔任港姐司儀多年，但佢就指今年應該唔會擔任司儀，會另外物色人選。

講到無綫計劃拍攝港姐選美題材劇集，志偉指會於港姐選美後進行，但參選佳麗將不會在劇中出現，但會用港姐舞台拍攝，笑言可以慳番場景錢。問到疫情下海外佳麗來港參選是否有困難？他說：「所以今屆提早咗招募，希望海外佳麗有充足時間回港。」佢又指希望今年港姐能出埠拍攝，好似新加坡都有旅遊氣泡係考慮之一。問到會否要求佳麗打疫苗？佢就話：「唔會強迫，睇佢哋自己，如果打咗，出埠就可能會安全啲。」

圖片來源：東星娛樂