MIRROR粉絲？丨衛志豪有眼不識姜濤AK遭挑釁 《開心大綜藝》被嘲老土激到瞓唔着

無綫藝人衛志豪不時都會喺社交平台分享佢嘅工作點滴。昨日母親節，佢就同一眾《伙計辦大事》演員上《開心大綜藝》做直播嘉賓，並且喺IG限時動態直擊現場情況；不過估唔到竟然會引嚟網民私訊攻擊，直指佢好「娘」，甚至傳送MIRROR開騷嘅相畀佢！衛志豪一頭霧水兼嬲爆，上載咗佢同該位網民嘅對話截圖，又打千字文發洩！

{{hket:inline-image name="1.jpg"}}{{/hket:inline-image}}

衛志豪一嚟就話自己嬲到瞓唔著，指自己母親節原本過得好開心，但就無啦啦畀網民撩㷫，踩佢有份參與嘅《開心大綜藝》老土。同呢位網民講完一大輪之後，對方仲刪除對話，令衛志豪嬲上加嬲，質疑呢位網民係ViuTV嘅工作人員！

衛志豪指自己正日冇陪阿媽而選擇同香港嘅觀眾一齊慶祝母親節，呢個係「做藝人嘅責任」，覺得相當榮幸，表示台前幕後嘅人為咗做好節目花咗好多心血：「我哋嗰部分只係短短幾分鐘嘅嘢，都排咗兩日，更何況一班表演嘅小朋友同埋四位上台又唱又跳嘅媽咪，我都唔知佢哋排咗幾耐！重未計台前幕後同埋幾位司儀！仲有就係……原本冇親眼見到我都唔信，一位冇份演出嘅高層，我兩日綵排都見到佢一早企咗喺度！喺現場睇綵排、畀意見，最後先走嗰隻！佢之前睇咗幾多晚我就唔知嘞！」

（點擊放大睇圖片）

衛志豪鬧爆私訊佢嘅網民唔識尊重人，「我唔知我個post有乜嘢得罪你，你以乜嘢身份同我講呢番話？我唔會評價人哋演唱會好唔好睇，我知道做一個演唱會真係唔容易，我以前跟過郭富城、劉德華、陳奕迅、譚詠麟、張學友、黎明等等去做無數次演唱會，係全程報道採訪！我會尊重所有表演者，因為我知道每一個都付出好多！有人叫我幫手買呢個演唱會嘅飛，我都有幫人哋買！呢啲咪尊重。」

相關新聞：Mirror成員AK│江𤒹生頒獎禮失獎呆樣被錯誤解讀 忠於自己：偶像唔可以做一世【下一頁】

衛志豪繼續發炮，指對方可以攻擊佢而唔可以抹煞一個節目背後嘅努力，「個節目我都有份做，你想我畀乜嘢反應你？成個節目嘅人都係我朋友！個個都識十幾年！我哋個節目嘅目的係向母親致敬，請你尊重咁多位母親！」仲話如果有人畀飛佢嘅話，都會去睇MIRROR演唱會，歡迎娛樂圈百花齊放，但最憎人唯恐天下不亂！最後補充呢啲只係佢個人立場，「唔認識呢班後生仔，呢班後生仔都唔會識我」，但都佩服MIRROR並祝佢哋演出成功。