諸朋好友｜杜德智認性格唔想結婚生小朋友 曾與李樂詩拍拖12年分手收場

杜德偉哥哥杜德智（Orlando）1994年跟歌手李樂詩（Joyce）拍拖，當年雖被女方的媽媽反對，可是二人仍交往了12年才分手；Joyce亦透露過分手的原因跟男方不喜歡小朋友有關。杜德智昨晚（9日）聯同杜德偉及方力申擔任《諸朋好友》嘉賓，在節目內直認抗拒結婚，認為生小朋友亦要考慮清楚，性格果然一如前女友Joyce所言。

{{hket:inline-image name="05102007.jpg"}}{{/hket:inline-image}}

{{hket:inline-image name="8ab7be8f351f27659ef4ea1a86965a30.jpg"}}{{/hket:inline-image}}

曾和杜德智交往12年和平分手 李樂詩邂逅現任丈夫誕三子【下一頁】

主持人陳凱琳在節目內問一眾男士，是否要在適當時候遇上適當的人才會結婚，還是會有其他考慮因素。方力申和杜德偉一度將問題交給杜德智，追問他會否有結婚計劃？杜德智說：「遇到一個right person（適當的人），of course（當然會）。我係唔想結婚，但係我諗過呢樣嘢。如果嗰個女仔，我係愛到咁緊要，佢話『Orlando，我好respect（尊重）你，但喺我嘅value（價值觀）入面，結婚係好緊要，呢張紙係簽畀我Daddy睇，係好緊要！』（要仔女？要家庭？）I had to think about it（我真的要想清楚），唔好講到咁深入住……（你會結婚？）Yes（會）！」對杜德智來說，遇到適當的人可以簽字結婚，不過生小朋友就要諗諗。

方力申在旁笑說：「對佢呢個年紀，right person緊要過timing，錯過咗咁耐timing。」杜德智即反駁：「冇話錯唔錯過，老實講很多人結婚3、4次。」方力申即補鑊話自己冇明指錯過哪些人，即是杜德智的前度女友李樂詩。

杜德偉連忙出來打圓場，「當我結婚時已經唔係一個好年輕嘅男人，但我覺得真係一個緣分。雖然真係好老土，但緣分嚟到真係擋都擋唔到，咁就結婚8年，係緣分，仲要係好開心。」

（↓點擊放大睇圖片↓）

此外，方力申亦有剖白他的愛情觀：「拍親拖都係認真，呢個一定嘅，我諗都係wrong timing。我唔係話下一個女朋友一定要結婚。希望遇到認真嘅關係。我最唔想傷害對方，唔想拍拖之後，令到佢好鍾意我，但係我唔夠鍾意佢，之後就分開！（呢啲情況係發生過？）冇發生過……任何人失戀，當然要檢討自己有乜嘢做得唔好，但你一定要對自己有一個肯定，其實係人哋走（錯失）咗啲更加好嘅嘢。就算錯失咗都唔緊要，但係嗰個人要咁諗，就係要愛自己先可以！歌都有得唱，你唔愛自己，點迎接下一位呢？我覺得呢個態度係要有。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】