生命鬥士｜小鐵漢年尾「打大佬」做高風險手術 爸爸求集氣：若順利會係最後一次

患有先天性心臟病的「小鐵漢」Kansas，年僅4歲已經歷5次手術，最近病情漸漸穩定正式上學成為K1學生。爸爸Jayco今日（10日）發文表示，兒子預計在年尾或下年年頭「打大佬」接受高風險心臟手術；如果一切順利，將會是最後一次心臟手術，兒子將可健康快樂成長。對此，他自言心理質素不佳而感到掙扎，遂向一眾網民表示：「請大家幫我一家打打氣！」

「手術前的掙扎。」「小鐵漢」爸爸Jayco今日在Facebook群組「巴打絲打「13親子育兒」Facebook Club」發帖，指兒子現時重13.5公斤，日前去醫院複診時，醫生指重至15公斤就要做第三階段的單心室循環手術，換言之即是今年年尾或下年年頭就要「打大佬」，進行「終極一戰」。

對此，Jayco坦言手術風險極高，因而令他感到「無限掙扎」，

「因為係將佢成個心臟嘅循環系統改變……有機會喺手術中冇命……亦都有機會手術失敗要等換心……當然，如果一切順利，呢個會係阿仔最後一個心臟手術，完成後，可以有正常心臟嘅8至9成功能，之後可以健健康康咁快樂成長……」

（↓點擊圖片放大↓）   

他續指，自己一方面希望兒子吃多點東西，「大大隻隻咁去打仗」，另一方面卻又不想兒子增重得那麼快，「因為一到磅數……就要打大佬……我好怕會失去佢……呢幾日……我連佢最愛食嘅朱古力都唔想畀佢。」而「小鐵漢」的一番說話，更是被爸爸形容猶如被一把利劍般刺入其心內：

「我食朱古力會好開心，我而家好唔開心。」

對此，Jayco希望一眾網民可以幫忙集氣，好讓「小鐵漢」能順利完成手術，

「請大家幫我一家打打氣……我真係好矛盾，好掙扎，真係唔知應該點處理小鐵漢手術前我自己嘅心理質素。」

網民留言送祝福：預祝手術成功

此事引來網民留言打氣，並為「小鐵漢」一家送上祝福，「預祝小鐵漢手術成功，康復後可以食盡天下間各種不同嘅朱古力」、「我想大聲講『小鐵漢加油！』明白大鐵漢兩難的心情，作為父母真的會好矛盾又心痛，但小鐵漢每天都可以開心快樂地過也很重要！好的心情也會令身心更強大！祝福你哋！加油！」、「加油吖，祝福你們一家事事順利，開開心心又幸福地生活！」

回望囝囝「昏迷」4個月黑暗時期，望小鐵漢學業有成背後藏窩心原因，詳情即睇：【下一頁】

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

每朝索取《晴報》：精明生活．健康家庭．開心娛樂

責任編輯：李凱晴