居住問題｜原以為有「母幹」沒置業煩惱 媽媽表明賣樓不留子 港男失望：佢話可以畀錢向佢買

本港樓價高企難以「上車」，「成功需父幹」更成為了近十年來興起的用語。一名港男在網上大呻，指原以為媽媽會將所住單位留給他，因而一直沒有置業煩惱；然而，媽媽日前卻表明會將單位賣出，不會留給他。對此，事主大感失望，遂詢問一眾網民：「大家點睇依件事？」

該名港男今日（8日）在網上討論區「連登」發帖，指現時所住單位經常有人前來接洽收購事宜，他遂著媽媽不要賣出，表示「我想將來都住依層」。未料，媽媽卻直言可能會賣樓，

「佢話未必留畀我，如果我真係想要，可以畀筆錢向佢買……」

事主表示自己當時「有啲O咗嘴」，因為從沒想過媽媽會過樣做，「聽到個時感覺好怪……一聽個時都有啲覺得佢好似緊張錢多啲。」同時，他又透露自己有兩名姐姐，

「因為2個家姐都嫁晒出去，老公又有樓，所以可能搞到我一直以為佢（媽媽）會留畀我。」

此外，他又指3姐弟一直有交家用，他更表明自己會一直供養母親，而且亦曾支付10多萬元裝修費。對於媽媽的做法，事主詢問一眾網民：

「我淨係想知，佢咁諗正唔正常？係咪都會有啲父母會咁做？」

此事引來網民熱議，不少人表示理解事主的感受及想法，但始終單位是屬於媽媽，她本人有權決定賣樓或贈樓與否，事主不應持有「老奉」的心態，「層樓又唔係你嘅，佢畀你係人情，賣走佢係道理，點解一定要聽你意願？」而且，事主亦非獨生子，若媽媽只將單位留給他，恐有偏心之嫌，會令兩位姐姐不滿。

（↓點擊圖片放大↓）  

對於網民的意見，事主表示同意：

「係嘅，所以都想聽吓巴絲意見，有時自己啲價值觀出咗問題，自己都可能唔知......唯有靠自己努力買（樓）。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

每朝索取《晴報》：精明生活．健康家庭．開心娛樂

責任編輯：李凱晴