兩年抱兩丨奚夢瑤母親節收花宣布佗第2胎 何猷君甜蜜負擔：家庭地位下降

賭王四房兒子何猷君的太太奚夢瑤，2019年誕下何氏家族第5代男丁何廣燊，後疑陷產後抑鬱，更因懷孕增重38磅導致脊骨移位，情況仲嚴重過耍功夫受傷嘅武打巨星吳京。奶奶四太梁安琪曾落order最少要生3個，奚夢瑤身為超模都話願意增肥約55磅生第2胎，母愛滿溢！

{{hket:inline-image name="z1025_28.jpg"}}{{/hket:inline-image}}

奚夢瑤早前被影到身形脹爆孕味濃，傳又有喜，今日母親節，她宣布再度懷孕，喺自己社交平台留言：「以後母親節就可以收兩束花啦！​​​」但就未有透露BB嘅性別，而老公猷君亦有轉載老婆帖文：「我的家庭地位又要下降了！」

（點擊放大睇圖片）

其實今年四月時，猷君已被影到同太太去私立醫院做檢查，已經傳出奚夢瑤再度有喜。奚夢瑤雖然於2019年10月為何家誕下第5代男丁何廣燊，四太孫唔嫌多，一早講到明想新抱再生，聽話好新抱奚夢瑤當然令奶奶如願以償！唔怪之得網民都葡萄留言：「豪門生子就是無憂！」大家羨慕之餘都紛紛送上祝福！