新冠肺炎｜住映灣園獨自入營隔離21日WFH 港女嘆壓抑：坐監都可以放吓風｜附隔離12大必帶物資

早前一名曾出席聚會、居於東涌映灣園悅濤軒第11座的菲傭，染上新冠肺炎變種病毒，並傳染給女僱主及10個月大女嬰；有見及此，政府遂於上月29日晚撤離該大廈約400戶居民，全部人需到竹篙灣接受21日強制隔離檢疫。一名住在該處的港女受牽連而獨自入營，並需在營內繼續「WFH」（Work From Home，在家工作）。對於接近一個月的「四面牆」生活，加上流動數據要「慳住使」，令她不禁大嘆壓抑，認為隔離生活比起坐監更難受。

該名港女周三（5日）在「香港討論區」以「隔離21日，喺隔離營做公司嘢……」為題發文，指自己因住映灣園而「中招」，突然被通知須到檢疫中心隔離21日；當收到通知後只有一至兩小時執行李，「如果有嘢要交帶，例如寵物或者小朋友，可以第二朝八點前（處理）。」而在隔離21日期間，她會在營中繼續工作，

「好在公司唔介意，仲叫我WFH，但係真係好無力，仲差過上年home office（在家工作）……當home office唔使（請）假叫好，我附近有個人（隔離者）要請晒AL（Annual Leave，年假），仲要補無薪。」

她解釋自己無力的原因，是由於接到入營的通知太趕太突然，令不少文件、物品均留在公司及家中，

「帶得部電腦走，好多嘢都唔喺手，首先要同公司交代返啲嘢先。因為見唔到客，好多嘢要臨時臨急交畀同事做，要交待嘅嘢好多……又怕有甩漏……成日做嘢都只能夠係電腦講，交待完又冇嘢好做……好無力……」

同時，她除了指在營內的伙食不太好外，更重要的是沒有WiFi供應，當局只會給予一張數據卡給隔離人士，「佢會畀張Sim（電話卡）人用，但係數據好少……好垃圾㗎，一係收唔好，一係好快用晒。」她表示正在使用自己的流動數據，因此要「慳數據」，連視像會議都無法開。對於有網民建議平日要買定電話卡放家中「傍身」，事主認真地稱：「真係要買幾張放屋企。」

此外，獨自入隔離營的她又大嘆隔離生活壓抑，

「我覺得酒店可以會好啲，呢度好壓抑……坐監都可以放吓風，伙食又好啲。」

此事引來網民熱議，不少人表示同情，亦有人甚至指由於擔心隨時「中招」，因此家中已準備好「走佬袋」方便入營隔離：

（↓點擊圖片放大↓）  

隔離12大必帶物資

有曾入住隔離營的過來人近日分享，指不幸被安排入住檢疫中心，必須利用僅餘時間準備入營物品，否則「少一樣隨時令你好難過」：

（↓點擊圖片放大↓）  

陳肇始：打疫苗檢疫期減7日

新冠肺炎變種病毒殺入社區，政府先後將多棟確診者居住大廈，全棟居民送往檢疫21日，今日（7日）亦召開記者會，交代最新檢疫安排。食衞局局長陳肇始表示，經諮詢專家委員會意見後，認為市民完成接種2劑新冠疫苗14日後，可以縮短檢疫期，詳情即睇：【下一頁】

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

每朝索取《晴報》：精明生活．健康家庭．開心娛樂

責任編輯：李凱晴